मंडी, 12 सितंबरमासः (हि.स.)।

पूर्वमुख्यमन्त्री तथा विपक्षनेता जयरामठाकुरः स्वस्य गृहक्षेत्रे बालीचौक्यां आयोजितायाः जिलास्तरीयस्य राजकीयपाठशालानां च अन्तःएकोनविंशतिवर्षीयछात्राणां अन्तरक्षेत्रीयक्रीडाप्रतियोगितायाः शनिवासरे विधिवत् शुभारम्भं कृतवान्। अस्यां प्रतियोगितायां अष्टादशक्षेत्रेभ्यः षट्शताधिकचत्वारिंशत् छात्राः प्रतिभागिनः सन्ति। जयरामठाकुरः दुर्गमक्षेत्रेषु निहितानां क्रीडायाः कलायाश्च प्रतिभानां पुरतः आनेतुं निरन्तरप्रयत्नस्य आवश्यकतायै बलं दत्तवान्।

सः उक्तवान् यत् अद्यतनस्य प्रतिस्पर्धात्मकस्य युगस्य सामान्यरीत्या अग्रे गन्तुं न शक्यते, अपितु आव्हानानां दृढतया सम्मुखीकरणाय कठिनपरिश्रमः करणीयः। प्रधानमन्त्री नरेन्द्रमोदिनः लोकप्रियकार्यक्रमस्य ‘मन की बात’ इत्यस्य उल्लेखं कुर्वन् सः उक्तवान् यत् प्रधानमन्त्री निरन्तरं देशस्य सर्वेषु कोणेषु निहिताः प्रतिभाः अन्विष्य ताः विश्वस्य पुरतः आनयति, यत् समाजाय युवापीड्यै च अत्यन्तं प्रेरणादायकम् अस्ति।

सः थाचीक्षेत्रस्य पुत्री परीष्ठीठाकुरस्य विशेषरूपेण उल्लेखं कृतवान्, या रूस्-देशे आयोजिते युवानेतृत्वकार्यक्रमे भारतस्य प्रतिनिधित्वं करोति। एतत् सम्पूर्णस्य प्रदेशस्य कृते गौरवस्य विषयः इति सः उक्तवान्।

तदनन्तरं सः बालीचौकीविद्यालयस्य प्रतिभावत्याः छात्रायाः जीवना ठाकुरस्य मधुरगायनस्य प्रशंसां कृत्वा स्वस्य मुख्यमन्त्रित्वकालस्य एकम् अनुभवम् अपि साझीकृतवान्। सः उक्तवान् यत् प्रधानमन्त्री मोदी इत्यस्य कथनेन सः केरलकन्यायै वेदिकायै प्रसिद्धस्य हिमाचलीलोकगीतस्य ‘माय नी मेरिये’ इत्यस्य गायनाय शुभकामनाः दत्तवान् आसीत्।

क्षेत्रस्य विकासस्य विषये चर्चां कुर्वन् सः उक्तवान् यत् बालीचौक्यां दृश्यन्ते अधिकांशभवनानि तस्य सर्वकारस्य कार्यकाल एव निर्मितानि आसन्, किन्तु वर्तमानसर्वकारः निर्मिते एव चिकित्सालयभवने तालयन्त्रं स्थापयित्वा जनान् सुविधाभ्यः वञ्चयति। सः आश्वासनं दत्तवान् यत् समयः शीघ्रमेव परिवर्तिष्यते तथा क्षेत्रस्य अवरुद्धानि विकासकार्याणि पुनः गतिं प्राप्स्यन्ति।

अस्मिन् अवसरे सः क्रीडायोजनसमित्यै स्वस्य विधायकैच्छिकनिधितः एकपञ्चाशत्सहस्ररुप्यकाणां प्रदानस्य घोषणां कृतवान्।

---------------

Hindusthan Samachar / Dheeraj Maithani