एमआईएस् तथा बालानाम् अनुगमन-प्रणाल्याः प्रभाविसञ्चालनाय विद्यालय-स्तरे व्ययिता भविष्यति धनराशिः।

यू-डायस-प्लस इत्यस्य दत्तांशैः बालानां शैक्षिकस्थितेः नामाङ्कनस्य च उत्तमं निरीक्षणं भविष्यति।

प्रत्येकं बालस्य विशिष्टां अपार-परिचयसंख्यां बालानाम् अनुगमन-प्रणाल्या सह संयोजयितुं बलम्।

लखनऊ, १२ सेप्टेम्बरमासः (हि.स.)। मुख्यमन्त्रिण: योगी-आदित्यनाथस्य नेतृत्वे प्रदेशसर्वकारः परिषदीयविद्यालयेषु बालैः सम्बद्धानां सूचनानां निरीक्षणं, विद्यालयप्रबन्धनं, शैक्षिकव्यवस्थां च अधिकं सुव्यवस्थितां उत्तरदायित्वपूर्णां च कर्तुं दिशि अग्रे सरति। अस्यैव क्रमे वर्ष २०२६-२७ कृते एमआईएस् (यू-डायस्-प्लस्) तथा बालानाम् अनुगमनप्रणाल्याः प्रभाविसञ्चालनाय उपयोगाय च ६.५५ कोटिरूप्यकाणां बजट् निर्धारितम् अस्ति।

महानिदेशकया विद्यालयशिक्षया राज्यपरियोजनानिदेशकया च मोनिकाराण्या सर्वेभ्यः जनपदीयमूलभूतशिक्षाधिकारिभ्यः धनराशेः उपयोगस्य निरीक्षणस्य च विषये निर्देशाः प्रदत्ताः सन्ति। ज्ञातव्यं यत् अस्याः व्यवस्थायाः माध्यमेन योगीसर्वकारः विद्यालयीयदत्तांशान् अधिकं सु-व्यवस्थितान्, बालानां शैक्षिकप्रगतेः निरीक्षणं अधिकं प्रभावी, विद्यालयप्रबन्धनं च अधिकम् उत्तरदायित्वपूर्णं कर्तुं डिजिटलप्रणालीनां प्रयोगं सुदृढं करोति।

निर्देशानुसारं ६५५.०१ लक्षरूप्यकाणां धनराशिः निर्धारितास्ति। तत्र एमआईएस् (यू-डायस्-प्लस्) कृते २६२.०० लक्षरूप्यकाणि तथा बालानाम् अनुगमनप्रणाल्यै ३९३.०१ लक्षरूप्यकाणि अन्तर्भवन्ति। एषा धनराशिः विद्यालयस्तरे विद्यालयप्रबन्धनसमितेः माध्यमेन निर्धारितेषु कार्येषु व्ययिता भविष्यति।

प्रत्येकं बालस्य सूचनां सुव्यवस्थितां कर्तुं बलम्

निर्देशेषु यू-डायस-प्लस इत्यत्र विद्यालयानां विद्यार्थिनां च सम्बद्धानां दत्तांशानां सङ्कलनम्, उपयोगश्च महत्त्वपूर्णौ मन्येते। तथैव बालानाम् अनुगमनप्रणाल्याः माध्यमेन बालानां शैक्षिकस्थितेः निरीक्षणव्यवस्थां सुदृढां कर्तुं बलं दत्तम्। पत्रे अपार्-परिचयसंख्यायाः बालानाम् अनुगमनप्रणाल्या सह समन्वयस्थापनस्य दिशि अपि निर्देशाः प्रदत्ताः सन्ति, येन प्रत्येकं विद्यार्थिनः विशिष्टपरिचयेन सह तस्य शैक्षिकसूचनाः सुव्यवस्थितरूपेण अनुगन्तुं शक्येरन्।

निरीक्षणव्यवस्था अधिका प्रभावी करिष्यते

निर्देशेषु जनपदस्तरात् विद्यालयस्तरपर्यन्तं धनराशेः उपयोगस्य निरीक्षणाय उत्तर-दायित्वानि निर्धारितानि सन्ति। जनपदीयमूलभूतशिक्षाधिकारी विद्यालय-प्रबन्धनसमितिस्तरे कृतस्य व्ययस्य प्रगतिं समीक्षेत तथा निर्धारिते पटले उपलब्धानां सूचनानाम् आधारेण निरीक्षणं सुनिश्चितं कुर्यात् इति निर्देशः प्रदत्तः अस्ति।

प्रदेशस्य मूलभूतशिक्षाराज्यमन्त्री (स्वतन्त्र-प्रभारः) सन्दीपसिंहस्य कथनम् अस्ति यत् योगीसर्वकारः विद्यालयीय-व्यवस्थाम् अधिकां पारदर्शिनीम् उत्तरदायित्वपूर्णां च कर्तुं सह प्रत्येकस्य बालस्य शैक्षिकप्रगतेः प्रभावीनिरीक्षणं सुनिश्चितं करोति। एमआईएस् तथा बालानाम् अनुगमन-प्रणाल्या बालैः सम्बद्धानां सूचनानाम् उत्तमोपयोगाय नूतनं बलं प्राप्स्यते।

महानिदेशकया विद्यालयशिक्षया मोनिका-राणी इत्यस्या: एमआईएस्, यू-डायस-प्लस तथा बालानाम् अनुगमनप्रणाल्याः प्रभाविप्रयोगः सुनिश्चितः कर्तव्यः। अपार-परिचयसंख्यायाः माध्यमेन विद्यार्थिनां सूचनाः सुव्यवस्थितरूपेण संयोज्य विद्यालयप्रबन्धनसमितिस्तरे स्वीकृतधनराशेः निर्धारितमदेषु पारदर्शी उपयोगः नियमितं निरीक्षणं च सुनिश्चितं भवेत्।

Hindusthan Samachar / Divya Ranjan