गोवधस्य विषये कठोरः विधिः भवेत् — अधोक्षजानन्दः

मथुरा, १२ सेप्टेम्बरमासः (हि.स.)। उत्तरप्रदेशस्य मथुराजनपदे गोवर्धनस्य जतीपुरास्थिते परिक्रमामार्गे शङ्करा-चार्याश्रमे गोवर्धनमठपुर्याः ब्रह्मलीनस्य शङ्कराचार्यस्य स्वामिनः श्रीनिरञ्जन-देवतीर्थजीमहाराजस्य ३०तमस्य पुण्यतिथेः अवसरे आयोजितस्य द्विदिवसीय-महोत्सवस्य शनिवासरे भव्यं समापनम् अभवत्।

कार्यक्रमस्य द्वितीयदिने जगद्गुरुः नाभापीठाधीश्वरः सुतीक्ष्णदेवाचार्यः (सुदामाकुटी, वृन्दावनम्) ब्रह्मलीनस्य शङ्कराचार्यस्य चित्रपटे माल्यार्पणं कृत्वा भावपूर्णां श्रद्धाञ्जलिं समर्पितवान्। ततः सः शङ्कराचार्यस्वामिनम् अधोक्षजानन्द-देवतीर्थमहाराजेन सह मिलित्वा तस्य सन्देशानां स्मरणं कृतवान्। नाभापीठाधीश्वरः सुतीक्ष्णदासमहाराजः अवदत् यत् येन प्रकारेण शङ्कराचार्यः निरञ्जनदेवतीर्थमहाराजः धर्मध्वजां सम्पूर्णे विश्वे प्रसारितवान्, तामेव परम्परां वर्तमानः शङ्कराचार्यः स्वामी अधोक्षजा-नन्ददेवतीर्थमहाराजः अग्रे वर्धयति। सः अवदत् यत् शङ्कराचार्यः अखण्डभारतस्य यात्रां कुर्वन् अस्ति। एतत् सनातनधर्माय महती उपलब्धिः अस्ति, येन विदेशेषु निवसतां सनातनिनां स्वदेशस्य संस्कृतेश्च विषये ज्ञातुं तया सह सम्बद्धुं च अवसरं प्राप्स्यति।

धर्मसभायां सनातनसंस्कृतेः रक्षणस्य सङ्कल्पः

शङ्कराचार्यस्वामिनः अधोक्षजानन्द-देवाचार्यमहाराजस्य अध्यक्षतायां विशाल-धर्मसभायाः आयोजनम् अभवत्। धर्मसभायां देशस्य विभिन्नेभ्यः भागेभ्यः आगतैः साधुसन्तैः धर्माचार्यैश्च सनातन-संस्कृतेः रक्षणे, यूनां धर्मेण सह संयोजने, पौराणिकधरोहराणां संरक्षणे च बलं दत्तम्। सन्तैः एकस्वरेण उक्तं यत् राजनैतिकमतभेदेभ्यः उपरि उत्थाय सनातनसंस्कृतेः धार्मिकस्थलानां च रक्षणं प्रत्येकस्य सनातनिनः दायित्वम् अस्ति।

गोवधनिषेधाय कठोरविधेः आग्रहः

स्वकीयाध्यक्षीयसम्बोधने शङ्कराचार्य-स्वामिना अधोक्षजानन्ददेवतीर्थमहाराजेन ब्रह्मलीनस्य शङ्कराचार्यस्य निरञ्जन-देवतीर्थस्य धर्मसम्राटः स्वामी करपात्री-महाराजश्च प्रवर्तितस्य ऐतिहासिकस्य गोवधविरोध्याः आन्दोलनस्य स्मरणं कृतम्। सः अवदत्, “तस्मिन् काले सन्तानां स्वरं दमनस्य प्रयासः कृतः तथा तत्कालीनसर्वकाराणां हठधर्मितायाः कारणेन निर्दोषसन्तेषु गुटिकाः अपि प्रहृताः।”

वर्तमानपरिदृश्यस्य विषये सः अवदत् यत् प्रधानमन्त्री नरेन्द्रमोदी तथा उत्तरप्रदेशस्य मुख्यमन्त्रिण: योगी आदित्यनाथस्य नेतृत्वे सर्वकाराः गोसंरक्षणाय उत्तमप्रयासान् कुर्वन्ति। तथापि सः आग्रहं कृतवान् यत् देशे गोतस्करीं गोवधं च पूर्णतया निरोद्धुं केन्द्रसर्वकारेण शीघ्रमेव कठोरः प्रभावकारी च विधिः निर्मातव्यः।

सन्तसमाजस्य गरिमामयी उपस्थितिः

पुण्यतिथिमहोत्सवे विभिन्नानाम् अखाडानां पीठानां च प्रमुखसन्ताः सहभागं कृतवन्तः। तेषु निर्मोही-अणी-अखाडस्य राष्ट्रियाध्यक्षः अखिलभारतीय-अखाडा-परिषदः महामन्त्री च श्रीमन्तः राजेन्द्रदास-महाराजः, द्वाराचार्यः घमण्डदेवाचार्यः, स्वामी रेनूगोपाल-देवाचार्यः, श्रीमन्तः जयरामजी (कलाधारी आश्रमः), महामण्डलेश्वरः चेतनदासः (कोसी), मौनीबाबा श्रीमन्तः माधवदासः (दिगम्बर-अणी-अखाडा), श्रीमन्तः गोविन्ददासः द्वाराचार्यः विट्ठल-देवाचार्यः, स्वामी भय्याजीमहाराजः, महामण्डलेश्वरः परमेश्वरदासः, श्रीमन्तः सुन्दरदासः, श्रीमन्तः लाडलीशरणदासः इत्येतै: च सह अनेके प्रमुखाः धर्माचार्याः उपस्थिताः आसन्।

देशस्य राजनैतिक-सामाजिक-विशिष्ट-जनानां समागमः

द्विदिवसीयकार्यक्रमस्य अवधौ देशस्य अनेके प्रमुखाः राजनैतिकाः सामाजिकाश्च व्यक्तयः आश्रमम् आगत्य श्रद्धाञ्जलिं समर्पितवन्तः। प्रथमदिने अरुणाचल-प्रदेशस्य मुख्यमन्त्रिणः उपस्थितिः आसीत्। शनिवासरे द्वितीयदिने हरियाणासर्वकारस्य मन्त्री गौरवगौतमः, विधानपरिषद्सदस्यः ठाकुर ओमप्रकाश-सिंहः, समाजवादी-पक्षस्य नेता ठाकुरकिशोरसिंहः, भाजपा-नेता ऋषिराज-सिंहः, राष्ट्रियलोक-दलस्य नेता कुँवरनरेन्द्रसिंहः, भाजपानेता सियाराम-शर्मा, प्रतापगढस्य राजा कुण्डनसिंहः, चित्रकूटस्य पूर्वविधायकः दिनेशमिश्रः, उत्तराखण्डसर्वकारस्य पूर्व-मन्त्री वर्तमानविधायकश्च किशोर उपाध्यायः, राज्यमन्त्री अश्विनीकुमार-त्रिपाठी, असमस्य विधायकः सूरजढिंग्या, बङ्गालस्य पूर्वविधायकः अभिजीतसिन्हा तथा बिहारस्य पूर्वविधायकः छत्रपतियादवः अपि ब्रह्मलीनाय शङ्कराचार्याय श्रद्धाञ्जलिं समर्पितवन्तः।

शङ्कराचार्यस्वामी अधोक्षजानन्ददेवतीर्थ-महाराजः स्वकीयस्य चातुर्मास्यव्रतस्य कारणेन आश्रमे प्रवासं कुर्वन् अस्ति। तेन सह मिलितुं देशस्य विभिन्नेभ्यः भागेभ्यः तस्य अनुयायिनः निरन्तरम् आगच्छन्ति।

Hindusthan Samachar / Divya Ranjan