फिरोजाबादनगरम्, 12 सितम्बरमासः (हि.स.)। नगरस्य महात्मागान्धीकॉलेजकन्यामहाविद्यालयपरिसरे सेवायोजनविभागस्य, कॉलेज्प्रबन्धनस्य, जनपदप्रशासनस्य च संयुक्ततत्त्वावधाने शनिवासरे एकदिवसीयस्य भव्यस्य रोज़गारमेलापकस्य करियरकाउंसलिंग इत्यस्य च आयोजनम् अभवत्। अस्मिन् 378 अभ्यर्थिनां चयनम् अभवत्, येन तेषां मुखेषु प्रसन्नता आगता।

मुख्यातिथिः सदरविधायकः मनीष-असीजा-महोदयः, विशिष्टातिथिः जनपदाधिकारी सन्तोषकुमारशर्मा-महोदयः च दीपं प्रज्वाल्य कार्यक्रमम् आरब्धवन्तौ। रोज़गारमेलापके प्रायः 913 ऑफ़लाइन् 568 अभ्यर्थिनः च ऑनलाइन् स्वपञ्जीकरणं कारितवन्तः, अस्मिन् रोज़गारमेलापके 18 संस्थाभिः प्रतिभागः कृतः, 378 अभ्यर्थिनां च चयनम् अभवत्।

अस्मिन् अवसरे विधायकः मनीष-असीजा-महोदयः अकथयत् यत् युवकान् भ्रमणात् रक्षितुं, तेभ्यः स्थानीयस्तरे एव रोज़गारावसरान् उपलब्धान् कारयितुं च सेवायोजनविभागः सेतोः इव कार्यं करोति, एकस्याः ट्रिलियन्-अर्थव्यवस्थायाः लक्ष्ये युवकानां योगदानं प्रमुखम् अस्ति, इदं च तदैव सम्भवम्, यदा प्रत्येकाय हस्ताय कार्यं प्राप्यते, चाहे तत् जॉब्-सीकर्रूपेण भवेत् वा मुख्यमन्त्रियुवउद्यमियोजनायाः जनपदउद्योगकेन्द्रस्य योजनानां च माध्यमेन जॉब्-प्रदातृरूपेण भवेत्।

जनपदाधिकारी सन्तोषकुमारशर्मा-महोदयः अकथयत् यत् जीवने सफलताप्राप्तेः कोऽपि शॉर्ट्कट् नास्ति, अत्यन्तः कठोरः परिश्रमः समर्पणं च एव व्यक्तिं सफलतायाः मार्गे नयति। युवकेभ्यः प्रेरणां ददत् जनपदाधिकारी अकथयत् यत् सफलता किञ्चित्कालानन्तरम् एव प्राप्यते चेदपि, परन्तु ईमानदारीपूर्वकं कृतः प्रयासः कदापि व्यर्थः न भवति, अत्र आगतानां पुत्रीणाम् उत्साहवर्धनं कुर्वन् तासाम् अभिभावकेभ्यः अपीलं कृतवान् यत् पुत्रीभ्यः शिक्षायाः प्रगतेः च सामान्याः अवसराः प्रदातव्याः, येन पुत्र्यः स्वपादयोः उपरि स्थातुं शक्नुयुः।

कार्यक्रमकाले उपजनपदाधिकारी सदर सुदर्शनकुमार-महोदयः, जनपदरोज़गाराधिकारिणी खुशबूशाक्य-महोदया, वरिष्ठः बाबू विपिनकुमार-महोदयः, सुमनकुमार-महोदयः, कॉलेजस्य प्राचार्या प्रदर्शनीउपाध्याय-महोदया, सचिवः सतीशचन्द्रगुप्ता-महोदयः, मण्डलसचिवः अनूपचन्द्रजैन-महोदयः, मण्डलकोषाध्यक्षः अनूपमकुमारगुप्ता-महोदयः इत्यादयः उपस्थिताः आसन्।

-------------

Hindusthan Samachar / Dheeraj Maithani