ज्योतिर्मठः, १२ सेप्टेम्बरमासः (हि.स.)। शङ्कराचार्यस्वामीमाधवाश्रमविद्यानिकेतनस्य वार्षिकोत्सवः शनिवासरे विद्यालय-परिसरे हर्षोल्लासेन सम्पन्नः। कार्यक्रमे विद्यार्थिभिः विविधाः सांस्कृतिकाः प्रस्तुतयः प्रदर्शिताः, याः दर्शकैः करतलध्वनिभिः सह प्रशंसिताः।

कार्यक्रमस्य शुभारम्भः दीपप्रज्वलनेन अभवत्। विद्यालयस्य प्रबन्धकः बदरीनाथधामस्य पूर्वधर्माधिकारी च आचार्यः भुवनचन्द्र उनियालः अवदत् यत् ब्रह्मलीनः शङ्कराचार्यः स्वामी माधवाश्रमजी महाराजः सीमावर्तिनगरस्य बालकेभ्यः संस्कारयुक्ताम् आधुनिकशिक्षां च प्रदातुं १९९९ तमे वर्षे विद्यालयस्य स्थापनां कृतवान्। विद्यालयः विगतैः २६ वर्षैः निरन्तरं सञ्चालितः भवति।

सः अवदत् यत् विद्यालयस्य विकासाय समये समये प्रयासाः कृताः, किन्तु जोशीमठस्य भूधंसनापदायाः सर्वाधिकः प्रभावः विद्यालये अभवत्। अधुना विद्यालयः शनैः शनैः सामान्यस्थितिं प्रति अग्रसरति। सः श्रीमठस्थलीयप्रबन्धकम् अच्युता-नन्दमहाराजं विद्यालयस्य विकासाय निरन्तरं कृपादृष्टिं स्थापयितुम् आग्रहं कृतवान्।

समारोहे श्रीमठस्थलीयप्रबन्धकः अच्युता-नन्दमहाराजः तथा पीटीए-अध्यक्षा सीमा शाह अपि सम्बोधितवन्तौ। प्रधानाचार्या नीलमा नवानी विद्यालयस्य वार्षिक-वृत्तान्तं प्रस्तुतवती। कार्यक्रमस्य सञ्चालनं शिक्षिका विनिता भट्टः शिक्षकः अनिलपंवारश्च कृतवन्तौ।

अस्मिन् अवसरे विद्यालयप्रबन्धसमितेः कोषाध्यक्षः शम्भुप्रसादनम्बूरी, बीकेटीसी-संस्थायाः प्रशासनिकाधिकारी कुलदीप-भट्टः, संस्थापकशिक्षकः महाबीरफर्सवाणः, सिंहधारवार्डस्य पालिकासदस्या राजेश्वरी-भण्डारी, संस्कृतमाध्यमिकविद्यालयस्य प्रधानाचार्यः अरविन्दप्रकाशपन्तः च उपस्थिताः आसन्। तैः सह बहुसंख्यकाः अभिभावकाः अन्ये जनाश्च अपि समुपस्थिताः आसन्।

Hindusthan Samachar / Divya Ranjan