Enter your Email Address to subscribe to our newsletters
गुवाहाटी, १३ सेप्टेम्बरमासः (हि.स.)। मुख्यमन्त्रिणा डॉ. हिमन्तबिस्वसरमणा प्रदेशसर्वकारस्य पूर्वमन्त्रिणः स्वस्य च दीर्घकालीनसहचरस्य सिद्दीक-अहमदस्य निधनस्य विषये गहनः शोकः प्रकटितः। मुख्यमन्त्रिणा रविवासरे सामाजिकमाध्यमे एकेन सन्देशेन दिवङ्गतनेतुः श्रद्धाञ्जलिः समर्पिता तथा च तस्य परिवारजनान् प्रति संवेदना प्रकटिता।
मुख्यमन्त्रिणा उक्तं यत् सिद्दीक-अहमदः जनप्रियः विधायकः आसीत्, येन सर्वदा जनकल्याणं प्राथमिकतया स्वीकृतम्। मन्त्रिरूपेण अपि तेन स्वविभागस्य दायित्वानि पूर्णनिष्ठया परिपक्वतया च निर्वहितानि।
डॉ. हिमन्तबिस्वसरमणा उक्तं यत् राजनीतिकमतभेदेभ्यः उपरि तस्य सिद्दीक-अहमदस्य च दृढं मैत्रीपूर्णं सम्बन्धम् आसीत्। जीवनस्य कठिनकाले उभावपि परस्परं साहाय्यं कुर्वन्तौ एकत्र स्थितवन्तौ। तेन उक्तं यत् अहमदस्य निधनात् श्रीभूमेः सामाजिकजीवने, तथैव असमस्य प्रशासनिकक्षेत्रेऽपि, गहनं शून्यं जातम् अस्ति।
मुख्यमन्त्रिणा डॉ. हिमन्तबिस्वसरमणा सिद्दीक-अहमदस्य पत्नीम् अनिमां शोकसन्तप्तं परिवारं च प्रति गहनां संवेदनां प्रकटयता ईश्वरात् दिवङ्गतात्मनः चिरशान्तये तथा च परिवारजनानाम् एतां अपूरणीयां क्षतिं सोढुं शक्तिप्रदानाय प्रार्थना कृता।
Hindusthan Samachar / Divya Ranjan