नवदिल्ली, 13 सितंबरमासः (हि.स.)।

प्रधानमन्त्रिणः नरेन्द्रमोदिनः नेतृत्वे भारतस्य अध्यक्षतायां आयोजिते अष्टादशे ब्रिक्सशिखरसम्मेलने द्विसहस्रतमस्य षड्विंशतितमस्य वर्षस्य घोषितं नवदिल्ल्याः घोषणापत्रं भारतस्य कृते ऐतिहासिक उपलब्धिः अस्ति। एतत् भारतीयव्यापारिभ्यः सूक्ष्मलघुमध्यमोद्यमेभ्यः नवोद्यमेभ्यः निर्यातकेभ्यश्च व्यापारनिवेशव्यवसायेषु नूतनान् अवसरान् सृजिष्यति।

चाँदनी चौकस्य सांसदः तथा सर्वभारतीयव्यापारिसंघस्य कैट इत्यस्य राष्ट्रीयमहासचिवः प्रवीनखण्डेलवालः रविवासरे अष्टादशस्य ब्रिक्सशिखरसम्मेलनस्य अवधौ सर्वसम्मत्या प्रकाशिते नवदिल्ल्याः घोषणापत्रे विषये एतत् उक्तवान्।

खण्डेलवालः उक्तवान् यत् एतत् घोषणापत्रं वैश्विकस्तरे भारतस्य वर्धमानस्य प्रभावस्य तथा प्रधानमन्त्रीमोदिनः सफलनेतृत्वस्य प्रमाणम् अस्ति। तस्य नेतृत्वस्य कारणेन भारतं सम्प्रति विश्वमञ्चे सशक्तविश्वसनीया च वाणी भूत्वा उदितम् अस्ति।

कैटस्य महासचिवः उक्तवान् यत् व्यापारसौकर्ये स्थानीयमुद्रासु व्यवहारः डिजिटलभुगतानं तकनीकीसहयोगः सुदृढा आपूर्तिशृङ्खला आर्थिकसाझेदारिता च इत्येतेषु दत्तं बलं भारतीयव्यवसायेभ्यः ब्रिक्सस्य सदस्यदेशानां विपणिषु विस्तारस्य नूतनम् अवसरं प्रदास्यति।

निष्पक्षस्य नियमाधारितस्य वैश्विकव्यापारव्यवस्थायाः प्रति प्रतिबद्धतायाः संरक्षणवादीनीतीनां विरोधस्य च स्वागतं कुर्वन् सः उक्तवान् यत् एतेन भारतसदृशानां विकासशीलदेशानां लाभः भविष्यति तथा अन्तर्राष्ट्रीयव्यापाराय नूतना दृढता प्राप्स्यते।

खण्डेलवालः उक्तवान् यत् एतत् घोषणापत्रं आत्मनिर्भरभारतस्य मेक इन इण्डियायाः वोकल फॉर लोकल इत्यस्य लोकल टू ग्लोबल इत्यस्य च दृष्टिकोणानुरूपम् अस्ति। एतत् भारतीयनिर्मातृभ्यः व्यापारिभ्यः उद्यमिभ्यश्च वैश्विकमूल्यशृङ्खलाभिः सह सम्बद्धतायाः अधिकान् अवसरान् प्रदास्यति।

तेन डिजिटलसार्वजनिकमूलसंरचनायाः कृत्रिमबुद्धिमत्तायाः एआय नवाचारस्य वित्तप्रौद्योगिक्याः च विषये विशेषबलस्य स्वागतं कृतम्। सः उक्तवान् यत् एतेषु क्षेत्रेषु भारतं शीघ्रमेव वैश्विकनेतृत्वस्य भूमिकामपि निर्वहति।

तथैव आतंकवादस्य विरुद्धं स्वीकृतस्य कठोरदृष्टिकोणस्य अपि तेन स्वागतं कृतम्। सः उक्तवान् यत् एतत् भारतस्य दीर्घकालतः प्रवर्तमानायाः नीत्याः अन्तर्राष्ट्रीयसमर्थनस्य प्राप्तेः प्रमाणम् अस्ति।

नवदिल्ल्याः घोषणापत्रस्य भावनानुरूपं खण्डेलवालः ब्रिक्सव्यापारसम्पर्कमिशनस्य प्रारम्भस्य सुझावं दत्तवान्। तेन भारतीयव्यापारिभ्यः सूक्ष्मलघुमध्यमोद्यमेभ्यश्च विपण्यसम्बद्धाः सूचनाः क्रेतृविक्रेतृसम्मेलनानि निर्यातसहायता व्यावसायिकसम्पर्कव्यवस्था च इत्यादीनां सुविधाः प्रदातुं शक्यन्ते।

खण्डेलवालः उक्तवान् यत् नवदिल्ल्याः घोषणापत्रं केवलं कूटनीतिकं दस्तावेजं नास्ति अपितु आर्थिकविकासस्य व्यापारविस्तारस्य वैश्विकसहयोगस्य च दूरदर्शी कार्यमार्गदर्शिका अस्ति। प्रधानमन्त्रिणः नरेन्द्रमोदिनः नेतृत्वे भारतं वैश्विक आर्थिकव्यवस्थायाः निर्माणे महत्त्वपूर्णां भूमिकां निर्वहति तथा अस्य प्रत्यक्षः लाभः देशस्य व्यापारिभ्यः उद्यमिभ्यः सूक्ष्मलघुमध्यमोद्यमेभ्यः उद्योगजगतश्च प्राप्स्यति।

---------------

Hindusthan Samachar / Dheeraj Maithani