लखनऊ, 13 सितंबरमासः (हि.स.)।

भारतीयजनतापार्टीदलस्य वरिष्ठनेतुः पूर्वप्रदेशाध्यक्षस्य पूर्वकेन्द्रीयमन्त्रिणः पूर्वराज्यपालस्य च कलराजमिश्रस्य पत्नी सत्यवतीमिश्रायाः निधनस्य विषये मुख्यमन्त्री योगी आदित्यनाथः, उपमुख्यमन्त्रिणौ केशवप्रसादमौर्यः बृजेशपाठकश्च तथा प्रदेशाध्यक्षः पङ्कजचौधरी इत्यादयः दलस्य नेतारः शोकं प्रकटितवन्तः। तस्याः निधनं नोएडानगरस्य एकस्मिन् निजीचिकित्सालये अभवत्।

मुख्यमन्त्री योगी आदित्यनाथः स्वस्य सामाजिकमाध्यमे प्रकाशिते सन्देशे लिखितवान् यत् भारतीयजनतापार्टीपरिवारस्य वरिष्ठसदस्यस्य पूर्वराज्यपालस्य कलराजमिश्रस्य धर्मपत्न्याः निधनम् अत्यन्तं दुःखदम् अस्ति। विनम्रा श्रद्धाञ्जलिः। प्रभुश्रीरामं प्रार्थये यत् दिवङ्गतायै पुण्यात्मन्यै सद्गतिं शोकाकुलपरिजनेभ्यश्च एतद् अथाहदुःखं सोढुं शक्तिं प्रददातु।

भाजपादलस्य प्रदेशाध्यक्षः केन्द्रीयः राज्यमन्त्री च पङ्कजचौधरी पूर्वराज्यपालस्य कलराजमिश्रस्य धर्मपत्नी सत्यवतीमिश्रायाः निधनस्य विषये शोकं प्रकटितवान्। तेन लिखितं यत् ईश्वरं प्रार्थये यत् दिवङ्गतात्मनः स्वश्रीचरणयोः स्थानं ददातु तथा शोकाकुलपरिजनेभ्यः एतद् अपारदुःखं सोढुं शक्तिं प्रददातु।

उत्तरप्रदेशस्य उपमुख्यमन्त्री केशवप्रसादमौर्यः स्वस्य सामाजिकमाध्यमे प्रकाशिते सन्देशे उक्तवान् यत् भारतीयजनतापार्टीदलस्य वरिष्ठराजनेतुः पूर्वराज्यपालस्य कलराजमिश्रस्य धर्मपत्नी सत्यवतीमिश्रायाः निधनस्य समाचारः अत्यन्तं दुःखदः अस्ति। मम विनम्रसंवेदनाः शोकाकुलपरिजनैः सह सन्ति। प्रभुश्रीरामः दिवङ्गतायै पुण्यात्मन्यै स्वश्रीचरणयोः स्थानं ददातु तथा शोकसन्तप्तपरिजनेभ्यः अस्यां सङ्कटपूर्णायां घड्यां शक्तिं धैर्यं च प्रददातु।

---------------

Hindusthan Samachar / Dheeraj Maithani