नोएडा, 13 सितंबरमासः (हि.स.)।

भारतीयजनतापार्टीदलस्य वरिष्ठनेता पूर्वकेन्द्रीयमन्त्री हिमाचलप्रदेशस्य राजस्थानस्य च पूर्वराज्यपालस्य कलराजमिश्रस्य धर्मपत्नी श्रीमती सत्यवतीमिश्रायाः अष्टसप्ततिवर्षीयायाः शनिवासरस्य मध्यरात्रौ नोएडानगरस्य मेट्रोचिकित्सालये उपचारकाले निधनम् अभवत्। तस्याः पार्थिवशरीरम् अन्तिमदर्शनार्थं सेक्टर एकपञ्चाशत् स्थिते तस्याः निजनिवासे स्थापितम् अस्ति। तत्र भाजपादलस्य बहवः वरिष्ठनेतारः प्रदेशाध्यक्षाः सांसदाः विधायकाश्च तस्यै श्रद्धाञ्जलिं समर्पयितुं समागच्छन्ति। तस्याः अन्त्येष्टिः अद्य अपराह्णे नोएडानगरस्य सेक्टर चतुर्नवतिस्थिते अन्तिमनिवासे करिष्यते।

तस्याः निधनस्य समाचारः प्राप्तमात्रेण राजनैतिकसामाजिकसार्वजनिकजीवने सम्बद्धेषु जनानां मध्ये शोकस्य लहरः प्रसृता। सत्यवतीमिश्रायाः निधनस्य विषये बहुसंख्याकैः जनैः सामाजिकमाध्यमेष्वपि गहनदुःखं व्यक्तं कुर्वद्भिः तस्यै भावपूर्णा श्रद्धाञ्जलिः समर्पिता।

कलराजमिश्रस्य पारिवारिकमित्रं भाजपादलस्य वरिष्ठनेता अमितत्यागी च अवदत् यत् अद्य मध्याह्ने प्रायः एकवादने सेक्टर एकपञ्चाशत् स्थितात् निवासात् अन्तिमयात्रा प्रस्थास्यति। अन्तिमयात्रा प्रायः सार्धैकवादने नोएडानगरस्य सेक्टर चतुर्नवतिस्थितम् अन्तिमनिवासं प्राप्स्यति। तत्रैव श्रीमती सत्यवतीमिश्रायाः अन्त्येष्टिः करिष्यते।

तेन उक्तं यत् श्रीमती सत्यवतीमिश्रायाः स्वास्थ्यं दृष्ट्वा हाल एव तां नोएडानगरस्य मेट्रोचिकित्सालये प्रवेशितवती। उत्तरप्रदेशस्य उपमुख्यमन्त्री बृजेशपाठकः अपि तस्याः स्वास्थ्यवृत्तं ज्ञातुं शनिवासरे चिकित्सालयं गतवान् आसीत्।

श्रीमती सत्यवतीमिश्रायाः निधनस्य विषये भाजपादलं सहितं विभिन्नैः राजनैतिकदलैः सामाजिकक्षेत्रसम्बद्धैश्च जनैः शोकः व्यक्तः। जनैः पण्डितकलराजमिश्रस्य तस्य परिवारस्य च प्रति स्वीयाः संवेदनाः प्रकटिताः।

---------------

Hindusthan Samachar / Dheeraj Maithani