Enter your Email Address to subscribe to our newsletters
पूर्वी सिंहभूमः, 13 सितंबरमासः (हि.स.)।
आदिवासी-उराँवसमाजस्य पूर्वीसिंहभूमस्य पक्षतः रविवासरे पुरातनसीतारामडेरास्थिते सरनाभवने वार्ताहरसम्मेलनम् आयोजितम्। तत्र समाजस्य राकेश उराँवेन करमपूजामहोत्सवस्य सज्जतायाः विषये सूचनाः प्रदत्ताः। समाजस्य राकेश उराँवः अवदत् यत् २२ सितम्बरदिनाङ्के भाद्रपद-एकादश्याः अवसरे सम्पूर्णे झारखण्डप्रदेशे करमपूजा आचरिष्यते। पूर्वीसिंहभूमस्य सीतारामडेरा, बिरसानगर, उलीडीह, शंकोसाई, बागबेड़ा, जादूगोड़ा, नूतनडीह इत्यादिषु विभिन्नेषु क्षेत्रेषु पारम्परिकविधिना पूजा भविष्यति।
तेन उक्तं यत् १६ सितम्बरदिनाङ्के अविवाहिताः युवकाः युवत्यश्च स्वर्णरेखानद्याः सिकतां आनयित्वा जावारोपणं करिष्यन्ति। ततः प्रतिदिनं प्रातःसायं च जावस्य पूजा भविष्यति। २१ सितम्बरस्य सायंकाले करम-अखाडेषु अविवाहिताभिः युवतीभिः जावाजागरणं क्रियते। २२ सितम्बरदिनाङ्के अपराह्णे त्रिवादने करमराजम् आमन्त्र्य मांदर-ढोल-नगाडैः सह करमशाखा अखाडे आनीयते। पाहनेन विधिवत् पूजां कृत्वा करमशाखा स्थापयिष्यते। रात्रौ अष्टवादने करमराजस्य कथा श्रावयिष्यते तथा पूजायाः अनन्तरं व्रतधारिणः व्रतभङ्गं करिष्यन्ति। ततः रात्रिपर्यन्तं पारम्परिकनृत्य-सङ्गीतस्य आयोजनं भविष्यति।
२३ सितम्बरदिनाङ्के अपराह्णे त्रिवादने करमराजस्य विसर्जनयात्रा निर्गमिष्यति, या स्वर्णरेखानदीपर्यन्तं गमिष्यति। ततः परना-मण्ड्याः आयोजनं भविष्यति। समाजस्य पक्षतः २४ सितम्बरदिनाङ्के सीतारामडेरायां, २७ सितम्बरदिनाङ्के बिरसानगरे उलीडीहे च, १० अक्टोबरदिनाङ्के शंकोसाईनगरे च क्रीडा-सांस्कृतिक-मिलनसमारोहाः आयोजिताः भविष्यन्ति। वार्ताहरसम्मेलने शालू लकड़ा, सन्तोष लकड़ा, लखीन्द्र लकड़ा, बुधु खलखो, बिरसा तिर्की, बुधराम खलखो, प्रकाश कोया, गोपाल टोप्पो तथा सुखराम लकड़ा इत्यादयः उपस्थिताः आसन्।
---------------
Hindusthan Samachar / अंशु गुप्ता