मुख्यमन्त्री आगरमालवातः लाड़लीबहना-योजनायाः ४०तमं भागम् अन्तरयिष्यति

भोपालम्, १३ सेप्टेम्बरमासः (हि.स.)। मध्यप्रदेशस्य मुख्यमन्त्री डॉ. मोहन यादवः अद्य रविवासरे आगरमालवातः मुख्यमन्त्री लाड़लीबहनायोजनायाः सेप्टेम्बरमासस्य ४०तमं भागम् अन्तरयिष्यति। अस्मिन् अवसरे प्रदेशस्य १ कोटि: २५ लक्षं १० सहस्रं १५० पात्रमहिलानां धनागारेषु १,८३५ कोटि: ०९ लक्षं २२ सहस्रं ४५० रूप्यकाणां मासिक-आर्थिकसहायता प्रत्यक्षरूपेण अन्तरिता भविष्यति।

जनसम्पर्काधिकारिणी बिन्दुसुनील: इत्यनया सूचितं यत् सेप्टेम्बरमासस्य भागेन सह योजनायाः प्रारम्भात् अद्यावधि महिलाभ्यः नियमितमासिकसहायतारूपेण अन्तरिता राशिः ६५,३९५.९९ कोटि-रूप्यकाणि भविष्यति।

१,००० रूप्यकेभ्यः आरब्धा सहायता अधुना प्रतिमासं १,५०० रूप्यकाणि

सा अवदत् यत् मुख्यमन्त्री लाड़लीबहनायोजनायाः प्रारम्भः जूनमासे २०२३ तमे वर्षे अभवत्। तस्मिन् समये पात्रमहिलाभ्यः प्रतिमासं १,००० रूप्यकाणां आर्थिकसहायता दीयते स्म। अक्तूबरमासात् २०२३ तमे वर्षे अस्यां राशौ २५० रूप्यकाणां वृद्धिं कृत्वा सहायता १,२५० रूप्यकाणि प्रतिमासं कृता। नवम्बरमासात् २०२५ तमे वर्षे पुनः २५० रूप्यकाणां वृद्धेः अनन्तरं पात्रमहिलाभ्यः सम्प्रति प्रतिमासं १,५०० रूप्यकाणां आर्थिकसहायता दीयते।

योजनायाः प्रावधानानुसारं ताः पात्रलाभार्थिनीमहिलाः अपि अस्य लाभं प्राप्नुवन्ति, याभ्यः सामाजिकसुरक्षा-पेन्शनयोजनायाः अन्तर्गतं प्रतिमासं ९०० रूप्यकाणि प्राप्यन्ते। अस्याः व्यवस्थायाः अन्तर्गतं ताभ्यः अन्तरराशिः प्रदीयते।

जूनमासात् २०२३ तः अगस्तमासपर्यन्तं २०२६ तमे वर्षे लाड़लीबहनायोजनायाः अन्तर्गतं ३९ नियमितमासिकभागानां प्रदानं कृतम् अस्ति। अधुना सेप्टेम्बरमासे ४०तमा किस्तः अन्तरिता भविष्यति। तदतिरिक्तं रक्षाबन्धनोत्सवस्य अवसरे अगस्तमासे २०२३, अगस्तमासे २०२४, अगस्तमासे २०२५ तथा अगस्तमासे २०२६ तमे वर्षे लाभार्थिनीभ्यः २५० रूप्यकाणां विशेषार्थिकसहायताम् अपि प्रदत्तम् अस्ति।

महिलानां धनागारेषु ६५ सहस्र-कोटिरूप्यकेभ्यः अधिका राशिः अन्तरिता

लाड़लीबहनायोजनायाः माध्यमेन जूनमासात् २०२३ तः अगस्तमासपर्यन्तं २०२६ तमे वर्षे महिलानां धनागारेषु ६३,५६०.९० कोटिरूप्यकाणां राशिः अन्तरिता अस्ति। वित्तीयवर्षे २०२६-२७ तमे वर्षे सेप्टेम्बरमासपर्यन्तं योजनायाः अन्तर्गतं ११,३०० कोटिरूप्यकाणि व्ययितानि भविष्यन्ति इति अनुमानम् अस्ति। वित्तीयवर्षस्य २०२६-२७ कृते मुख्यमन्त्री लाड़लीबहनायोजनायाः अन्तर्गतं २३,८८२.८१ कोटिरूप्यकाणां वित्तविवरणप्रावधानं कृतम् अस्ति।

मुख्यमन्त्री डॉ. यादवः आगरमालवायां २२५ कोटिरूप्यकेभ्यः अधिकमूल्यानां ३३ विकासकार्याणां भूमिपूजनं तथा २८ कोटिरूप्यकेभ्यः अधिकमूल्यानां १७ कार्याणां लोकार्पणमपि करिष्यति।

Hindusthan Samachar / Divya Ranjan