भुवनेश्वरम्, 13 सितंबरमासः (हि.स.)।

ओडिशाराज्यस्य विधिमन्त्री पृथ्वीराज हरिचन्दनः रविवासरे नयागढमण्डलस्य कन्टिलोस्थितस्य ऐतिहासिकस्य श्रीनीलमाधवमन्दिरस्य दर्शनं कृत्वा मन्दिरस्य विकासस्य सौन्दर्यीकरणस्य च तथा श्रद्धालूनां पर्यटकानां च सुविधाविस्तारस्य योजनानां समीक्षां कृतवान्। अस्मिन् अवसरे मन्त्री हरिचन्दनेन कटकस्य सांसदेन भर्तृहरिमहताबेन, खण्डपडाविधानसभासदस्येन नयागढमण्डलयोजनामण्डलस्य अध्यक्षेन च दुष्मन्तकुमारस्वाईं-महोदयेन, नयागढस्य जिलाधिकारीया मधुमिता रथया, सम्बन्धितविभागानाम् अधिकारिभिः स्थानीयबुद्धिजीविभिश्च सह मन्दिरस्य विकासविषये विस्तृता चर्चा कृता।

सभायां प्राचीनस्य आध्यात्मिकपीठस्य आधारभूतसंरचनां सुदृढीकर्तुं, सौन्दर्यीकरणं कर्तुं तथा श्रद्धालूनां पर्यटकानां च कृते उत्तमसुविधाः विकसितुं सम्बद्धेषु विभिन्नेषु पक्षेषु विचारविमर्शः कृतः। हरिचन्दनेन उक्तं यत् नीलमाधवमन्दिरं प्रमुखरूपेण आध्यात्मिक-पर्यटनकेन्द्ररूपेण विकसितुं तथा श्रद्धालुभ्यः उत्तमसुविधानां सुनिश्चितीकरणं सर्वकारस्य प्राथमिकता अस्ति। तेन उक्तं यत् प्रस्तावितविकासकार्यैः अस्य ऐतिहासिकस्य मन्दिरस्य धार्मिकपर्यटनसम्बद्धा च परिचितिः अधिकं सुदृढा भविष्यति।

---------------

Hindusthan Samachar / अंशु गुप्ता