Enter your Email Address to subscribe to our newsletters
फिरोजाबादम्, १३ सेप्टेम्बरमासः (हि.स.)। पञ्चायतीराजविभागेन सञ्चालिताः ग्रामपञ्चायतपुस्तकालयाः ग्रामीणयूनां कृते वरदानरूपाः सिद्धाः भवन्ति।
कदाचित् उच्चशिक्षायाः प्रतियोगीपरीक्षाणां च सिद्धतायै महानगराणां प्रति गच्छन्तः ग्रामेषु निवसन्तः मेधाविनः युवानः अधुना स्वस्यैव ग्रामपञ्चायते संसाधनसम्पन्नां आधुनिकाध्ययनस्य सुविधां वातावरणं च प्राप्नुवन्ति। फिरोजाबादजनपदे एषा पहल न केवलं ग्रामीणयुवानां पलायनं निवारयति, अपितु सफलतायाः नूतनमध्यायम् अपि लिखति।
फिरोजाबादस्य जनपदाधिकारी सन्तोष-कुमारशर्मणः विशेषप्रयासैः जनपदे कुलं २६१ ग्रामपञ्चायतपुस्तकालयानां स्थापना कृता अस्ति। एतेषु पुस्तकालयेषु अध्ययनं कृत्वा अधुना पर्यन्तं ८५ अधिकाः छात्राः छात्राश्च उत्तरप्रदेश-आरक्षकविभागे, सेनायाम्, अर्धसैनिकबलेषु तथा च सर्वकारीयेषु निजसेवासु च चयनिताः सन्ति। ग्रामपञ्चायत कन्थरी (अराँव) तः अमितः, दुष्यन्तः, मनीषः, रनजीतराजपूतः, अश्विनी च प्रसू च क्रमशः सीआरपीएफ्, उत्तरप्रदेशपुलिसे, भारतीयवायुसेनायां भारतीयनौसेनायां च चयनिताः सन्ति।
तथैव ग्रामपञ्चायत नेपई तः पृथ्वीसिंहस्य भारतीयसेनायां तथा गिरीशकुमारस्य उत्तरप्रदेश-आरक्षकविभागे चयनं जातम्।
तथैव ग्रामपञ्चायत ववायनतः अश्विनीकुमारः गौरवकुमारश्च उत्तरप्रदेश-आरक्षकविभागे सफलतां प्राप्तवन्तौ। ग्रामपञ्चायत सुरैल नगला कांक्षी तथा भेंड़ी (जसराना) तः ज्योतिशाक्यायाः शिवमकुमारस्य च उत्तरप्रदेश-आरक्षकविभागे चयनं जातम्।
सर्वकारस्य एषः प्रयासः केवलं पुस्तकानाम् उपलब्धतायै सीमितः नास्ति, अपितु एते ग्रामपञ्चायतपुस्तकालयाः आधुनिकस्मार्टकक्षाभिः सह सम्बद्धाः सन्ति। अधुना ग्रामस्य युवा महत्त्वपूर्णां शुल्कराशिं दत्त्वा कोचिङ्ग-केन्द्रेषु गमनस्य नगरस्य च अधिकव्ययस्य विना स्वस्य ग्रामपञ्चायते उपविश्य प्रशासनिकसेवानां, आरक्षकसेवायाः, एसएससी-परीक्षायाः अन्यासां च प्रतियोगीपरीक्षाणां उच्चस्तरीयां सिद्धतां कर्तुं शक्नोति।
अस्याः योजनायाः धरातले सफल-क्रियान्वयने यूनां मुख्यधारया सह संयोजने च जनपदाधिकारी सन्तोष-कुमारशर्मणः मार्गदर्शनं सहयोगश्च अनुकरणीयः अभवत्। तेन उक्तं यत् फिरोजाबादस्य ग्रामपञ्चायतेषु पुस्तकानां प्रकाशेन प्रारब्धम् एतत् प्रयाणम् अधुना शतशः परिवाराणां जीवने सामाजिकम् आर्थिकं च परिवर्तनम् आनयति। एते ग्रामपञ्चायतपुस्तकालयाः अधुना केवलम् अध्ययनकेन्द्राणि न सन्ति, अपितु ग्रामीण-उत्तरप्रदेशस्य उज्ज्वलभविष्यस्य ऐतिहासिकं तथ्यम् इव अभवन्।
Hindusthan Samachar / Divya Ranjan