नैनीतालम्, १३ सेप्टेम्बरमासः (हि.स.)। देशविदेशयोः चर्चितस्य ‘हनुमानांश’ इति चलचित्रस्य २१-वर्षीया युवा निर्मात्री अनुप्रिया नागर: रविवासरे स्वपरिजनैः सह सहयोगिभिश्च श्रीकैञ्चीधामं गत्वा बाबा नीबकरौरीमहाराजस्य दर्शनं कृत्वा आशीर्वादं प्राप्तवती। अस्मिन् अवसरे लण्डन-बुक-ऑफ-वर्ल्ड-रेकॉर्ड्स-संस्थायाः अन्ताराष्ट्रियाध्यक्षः कार्तिक-पालिवालः अपि तया सह उपस्थितः आसीत्।

अनुप्रियानागरा कैञ्चीधाम्नः बाबा नीबकरौरीमहाराजं च प्रति स्वश्रद्धां प्रकटयन्ती श्रद्धालूनां सुरक्षायै सुविधायै च नैनीताल-आरक्षक-विभागेन उत्तराखण्ड-आरक्षक-विभागेन च कृतानां व्यवस्थाणां प्रशंसां कृतवती। दर्शनानन्तरं सा नैनीतालस्य वरिष्ठपुलिसाधीक्षकं डॉ. मञ्जुनाथ-टी.सी.-महोदयेन सह शिष्टाचारमिलनं कृत्वा चलचित्रस्य सफलता-विषयवस्तु-उद्देश्यादिनां विषये सूचनां प्रदत्तवती।

अस्मिन् अवसरे चलचित्रस्य माध्यमेन भगवत: हनुमतः भक्तिं, श्रद्धां, संस्कारांश्च बाबा नीबकरौरीमहाराजस्य महिमया सह जनं जनं प्रति प्रापयितुं क्रियमाणस्य प्रयासस्य विषये चर्चा अभवत्। वरिष्ठपुलिसाधीक्षकः डॉ. मञ्जुनाथ-टी.सी. अनुप्रियानागरां, तस्याः परिजनान् सहयोगिनश्च शाटिकां परिधाप्य स्मृति-चिह्नं च प्रदाय सम्मानितवान्। सः चलचित्रस्य सफलतायै अनुप्रियायाः उज्ज्वलभविष्याय च शुभकामनाः अयच्छत्।

वरिष्ठ-आरक्षकाधीक्षकः अवदत् यत् कैञ्चीधाम देशविदेशेभ्यः आगच्छतां श्रद्धालूनां श्रद्धायाः प्रमुखं केन्द्रम् अस्ति। अत्र आगच्छतां श्रद्धालूनां पर्यटकाणां च सुरक्षा सुविधा च नैनीताल-आरक्षकविभागस्य प्राथमिकता अस्ति।

Hindusthan Samachar / Divya Ranjan