नाहनम्, 13 सितंबरमासः (हि.स.)।

युवसेवा-क्रीडा-आयुष-विधिमन्त्री यादवेन्द्रगोमा सिरमौरजनपदस्य पांवटासाहिब-स्थले आयोजितस्य त्रिदिवसीयस्य साहिबजादा-बाबा-अजीतसिंह-चतुस्त्रिंशतितमस्य राज्यस्तरीयस्य युव-बास्केटबॉल-क्रीडाप्रतियोगितायाः समापनसमारोहे मुख्यातिथिरूपेण भागं गृहीतवान्। क्रीडकान् अभिनन्दन् क्रीडामन्त्री अवदत् यत् क्रीडाभिः विद्यार्थिषु अनुशासनं, नेतृत्वक्षमता, दलभावना, आत्मविश्वासश्च विकसिताः भवन्ति।

प्रतियोगितायां प्रदेशस्य २६ दलैः क्रीडाकौशलं प्रदर्शितम्

पांवटासाहिब-स्थले आयोजितायां साहिबजादा-बाबा-अजीतसिंह-चतुस्त्रिंशतितमस्य राज्यस्तरीयस्य युव-बास्केटबॉल-क्रीडाप्रतियोगितायां प्रदेशस्य विभिन्नेभ्यः भागेभ्यः आगतानि २६ बास्केटबॉल-दलानि स्वक्रीडाप्रतिभां प्रदर्शितवन्ति।

युवसेवा-क्रीडा-आयुष-विधिमन्त्री यादवेन्द्रगोमा अवदत् यत् प्रदेशसर्वकारेण राज्ये क्रीडासंरचनायाः विकासेन सह क्रीडकानां प्रोत्साहनाय बहुआयामीप्रयासाः क्रियमाणाः सन्ति। एते प्रयासाः निःसन्देहं प्रदेशं क्रीडाक्षेत्रे अग्रणीं राज्यं कर्तुं दीर्घकालीनरूपेण महत्त्वपूर्णां भूमिकां निर्वहन्ति। अस्य परिणामस्वरूप अद्य राष्ट्रियस्तरे ८ सुवर्णपदकैः, ११ रजतपदकैः, २९ कांस्यपदकैश्च सह प्रदेशस्य ४८ बालकैः पुरस्काराः प्राप्ताः सन्ति।

क्रीडामन्त्री अवदत् यत् आगामीदिनेषु हिमाचलप्रदेशे ‘खेलो इण्डिया’ इव ‘खेलो हिमाचल’ कार्यक्रमः बृहद्स्तरे आयोजयिष्यते। अस्य कृते मुख्यमन्त्रिणा सुखविन्दरसिंहसुक्खुना १५ कोटिरूप्यकाणां राशिः प्रदत्ता अस्ति।

गोमा अवदत् यत् प्रदेशे क्रीडाप्रतिभानां परिष्काराय ११ क्रीडाछात्रावासेषु एकस्मिन् क्रीडाविद्यालये च ३६८ क्रीडकाः प्रशिक्षणं प्राप्नुवन्ति। एभ्यः युवा-क्रीडकेभ्यः सर्वकारेण आवास-भोजन-प्रशिक्षणादीनि सर्वाणि आवश्यकसुविधाः प्रदीयन्ते।

सः अवदत् यत् मुख्यमन्त्री सुखविन्दरसिंहसुक्खुस्य प्रदेशस्य क्रीडकेषु विशेषः स्नेहः अस्ति। तस्य परिणामस्वरूपं हिमाचलस्य इतिहासे प्रथमवारं क्रीडकानां सम्मानराशौ त्रिशतगुणिता वृद्धिः अभवत्।

ओलम्पिक्, शीतकालीन-ओलम्पिक् तथा पैरालम्पिक्-क्रीडासु सुवर्णपदकविजेतृभ्यः ५ कोटिरूप्यकाणि, रजतपदकविजेतृभ्यः ३ कोटिरूप्यकाणि, कांस्यपदकविजेतृभ्यः २ कोटिरूप्यकाणि च प्रदीयन्ते।

तथैव एशियाई-क्रीडासु तथा पैरा-एशियाई-क्रीडासु सुवर्णपदकाय ४ कोटिरूप्यकाणि, रजतपदकाय २.५० कोटिरूप्यकाणि, कांस्यपदकाय १.५० कोटिरूप्यकाणि च प्रदीयन्ते। राष्ट्रमण्डल-क्रीडासु तथा पैरा-राष्ट्रमण्डल-क्रीडासु सुवर्णपदकविजेतृभ्यः ३ कोटिरूप्यकाणि, रजतपदकविजेतृभ्यः २ कोटिरूप्यकाणि, कांस्यपदकविजेतृभ्यः १ कोटिरूप्यकाणि च सम्मानराशिरूपेण प्रदीयन्ते।

---------------

Hindusthan Samachar / Dheeraj Maithani