आसनसोलम्, 14 सितंबरमासः (हि. स.)।

ईस्टर्न कोलफील्ड्स लिमिटेड् इत्यस्याः (ईसीएल्) सेन्ट्रल् हॉस्पिटल्, कल्लायां स्वकीयायाः द्वितीयायाः अमृतफार्मेसी इत्यस्याः शुभारम्भः सोमवासरस्य सायंकाले कृतः। अस्याः पहलस्य माध्यमेन ईसीएल्-कर्मचारिभ्यः, तेषाम् आश्रितेभ्यः समीपस्थसमुदायस्य जनभ्यश्च किफायतीमूल्येषु औषधानि स्वास्थ्यसम्बद्धाः सुविधाश्च उपलब्धाः भविष्यन्ति।

फार्मेसी इत्यस्याः उद्घाटनं ईसीएल्-संस्थायाः अध्यक्ष-सह-प्रबन्धनिदेशकः सतीशझा इत्यनेन कृतम्। अमृत् अर्थात् उपचाराय किफायतीमूल्येषु औषधानां विश्वसनीयप्रत्यारोपणयोजनायाश्च सञ्चालनं भारतसर्वकारस्य स्वास्थ्य एवं परिवारकल्याणमन्त्रालयस्य अधीनस्थेन सार्वजनिकक्षेत्रस्य उपक्रमेण एचएलएल् लाइफकेयर लिमिटेड् इत्यनेन क्रियते। अस्याः योजनायाः माध्यमेन आवश्यकाः जीवनरक्षकौषधानि, शल्यचिकित्सासामग्रीः चिकित्सकीयप्रत्यारोपणसामग्रीश्च रियायतीमूल्येषु उपलब्धाः क्रियन्ते।

अस्मिन् अवसरे सतीशझा इत्यनेन कर्मचारिणः सम्बोधिताः तथा च कम्पनी-संस्थायाः प्रदर्शनस्य संक्षिप्तं विवरणं प्रस्तुतम्। तेन कर्मचारिभ्यः सामूहिकप्रयत्नेन कोयलाउत्पादनस्य निर्धारितं लक्ष्यं प्राप्तुं तस्मात् परं च अग्रे वर्धितुं आह्वानं कृतम्। तेन कर्मचारीकल्याणसम्बद्धानां प्रयासानां निरन्तरं सुदृढीकरणे अपि बलं दत्तम्।

ईसीएल्-संस्थायाः कार्मिकनिदेशकः गुंजनकुमारसिन्हा अमृतफार्मेसी इत्यस्याः लाभानां विषये सूचनां प्रदत्तवान्। तेन उक्तं यत् अस्याः सुविधायाः माध्यमेन कर्मचारिभ्यः किफायतीमूल्येषु गुणवत्तापूर्णानि औषधानि उपलब्धानि भविष्यन्ति। तदतिरिक्तं नकदरहित-औषधिसुविधा अपि प्राप्ता भविष्यति।

कार्यक्रमे ईसीएल्-संस्थायाः चिकित्सासेवाप्रमुखः, सेन्ट्रल् हॉस्पिटल्, कल्लायाः मुख्यचिकित्साधिकारी, ईसीएल् तथा एचएलएल् लाइफकेयर लिमिटेड् इत्यनयोः वरिष्ठाः अधिकारिणः, चिकित्सालयस्य पाराचिकित्सकीयाः प्रशासनिकाः च कर्मचारीणः उपस्थिताः आसन्।

---------------

Hindusthan Samachar / Dheeraj Maithani