सुपौलम्, 14 सितंबरमासः (हि.स.)।

हिन्दीदिवसस्य अवसरे सेन्ट् जेवियर्स् हाय् स्कूल्, सुपौल इत्यत्र छात्रेषु हिन्दीभाषायाः प्रति जागरूकतां, सम्मानं प्रेमभावं च विकसितुं विविधाः कार्यक्रमाः आयोजिताः।

अस्मिन् क्रमे प्रार्थनासभायां भाषणं निबन्धलेखनप्रतियोगिता च आयोजिता। प्रार्थनासभायां आयनरहमानी, हर्षितासावर्णा, वेदिकासिंहः दिव्यांशिकुमारी च हिन्दी-दिवसस्य महत्त्वं हिन्दीभाषायाः गौरवं च विषयी कृत्वा प्रभावशालिनः भाषणान् प्रस्तुतवन्तः।

छात्रैः हिन्दीभाषां भारतीयसंस्कृतेः, परम्परायाः राष्ट्रस्य च परिचयेन सह सम्बध्नन्तः दैनिकजीवने हिन्दीभाषायाः अधिकाधिकप्रयोगस्य सन्देशः प्रदत्तः।

तदनन्तरं ‘राजभाषारूपेण हिन्दीभाषायाः महत्त्वम्’ इति विषये निबन्धलेखनप्रतियोगिता आयोजिता। अस्यां प्रतियोगितायां छात्राः उत्साहपूर्वकं भागं गृहीतवन्तः। प्रतिभागिभिः स्वनिबन्धेषु हिन्दीभाषां भारतस्य एकतां, संस्कृतिं विविधतां च परस्परं संयोजयन्तीं सशक्तां भाषाम् इति प्रतिपाद्य राजभाषारूपेण तस्याः भूमिकायाः महत्त्वस्य च विषये स्वविचाराः प्रस्तुताः।

विद्यालयस्य प्रधानाचार्यः सर्वेशकुमारतिवारी छात्रान् सम्बोधयन् अवदत् यत् हिन्दी केवलं संवादस्य भाषा नास्ति, अपितु अस्माकं संस्कृतेः, परम्परायाः भावनानां च अभिव्यक्तेः सशक्तं माध्यमम् अस्ति। तेन छात्राः हिन्दीभाषायाः सम्मानं कर्तुं दैनिकजीवने च तस्याः अधिकाधिकं प्रयोगं कर्तुं प्रेरिताः।

हिन्दीशिक्षिका निशा अवदत् यत् एतादृशाः कार्यक्रमाः छात्रेषु हिन्दीभाषायाः प्रति सम्मानभावं विकसितुं तथा तान् स्वकीयाभिः सांस्कृतिकमूलाभिः सह सम्बद्धान् कर्तुं महत्त्वपूर्णां भूमिकां निर्वहन्ति।

विद्यालयस्य प्रशासकः विश्वासचन्द्रमिश्रः छात्राणां प्रयासानां प्रशंसां कुर्वन् अवदत् यत् हिन्दीभाषायाः प्रति सम्मानस्य, गौरवस्य प्रेम्णश्च भावः सदैव धारयितव्यः। सः अवदत्— अन्याः भाषाः रोजगारस्य भाषाः भवितुं शक्नुवन्ति, परन्तु संस्कारस्य भाषा तु केवलं हिन्दी एव अस्ति।

उभौ कार्यक्रमौ छात्राणां कृते ज्ञानवर्धकौ, प्रेरणादायकौ उत्साहवर्धकौ च अभवताम्। कार्यक्रमस्य सफलतायै हिन्दीशिक्षकाः अभयकुमारझा, विनोदकुमारसिंहः, सन्तोषकुमारझा तथा शिक्षिका काजलकुमारी च प्रशंसनीयं सहयोगं प्रदत्तवन्तः।

Hindusthan Samachar / Dheeraj Maithani