मुम्बई, १४ सेप्टेम्बरमासः (हि.स.)। केन्द्रीयगृहमन्त्री अमितशाहः सोमवासरे नवीमुम्बईनगरे अवदत् यत् हिन्दीभाषायाः प्रगतिः तदैव सार्थिका भविष्यति, यदा सा अन्यभारतीयभाषाणां गौरवं, संवर्धनं संरक्षणं च सुनिश्चितं कुर्वती अग्रे वर्धते। हिन्दी-दिवसस्य अवसरे देशवासिभ्यः शुभकामनाः प्रयच्छन् सः भारतस्य भाषावैविध्यं देशस्य शक्तिरूपेण वर्णितवान्।

नवीमुम्बईनगरे हिन्दी-दिवसस्य अवसरे आयोजिते कार्यक्रमे सम्बोधनं कुर्वन् अमितशाहः अवदत् यत् भारतस्य अनेका: भाषाः कस्यापि दुर्बलतायाः संकेताः न सन्ति, अपितु देशस्य महत्तमा शक्तिः सन्ति। सः अवदत् यत् प्रत्येकं भारतीयभाषायाः स्वकीयम् इतिहासः, लोकपरम्परा विश्वदृष्टिश्च अस्ति, या नववंशस्य मूल्यानां दृष्टिकोणस्य च निर्माणे महत्त्वपूर्णां भूमिकां निर्वहति। भाषावैविध्यं देशे ‘विविधतायाम् एकता’ इति भावनां दृढतराम् अपि करोति।

गृहमन्त्री अवदत् यत् भाषा केवलं संवादस्य माध्यमं नास्ति, अपितु कस्यचित् समाजस्य ‘स्मृतिः’ ‘आत्मजागरूकता’ च अपि भवति। हिन्दीभाषया संवादस्य, सम्पर्कस्य समन्वयस्य च भाषारूपेण विभिन्नवर्गाणां समुदायानां च परस्परं संयोजने महत्त्वपूर्णा भूमिका निर्व्यूढा।

अमितशाहः अवदत्, “हिन्द्याः प्रगतिः तदैव सार्थिका भविष्यति, यदा सा अन्यभारतीयभाषाणां गौरवं, संवर्धनं संरक्षणं च सुनिश्चितं कुर्वती अग्रे वर्धते।” सः अवदत् यत् हिन्दीभाषां कस्याश्चित् एकस्याः भाषायाः प्रतिनिधिरूपेण न द्रष्टव्यम्। तां भारतस्य विभिन्नभाषाणां राष्ट्रियैकतायाश्च मध्ये महत्त्वपूर्णा श्रृंखला-रूपेण अवगन्तुं आवश्यकता अस्ति।

केन्द्रीयगृहमन्त्री अवदत् यत् गुजराती तस्य मातृभाषा अस्ति, किन्तु हिन्दी तं देशस्य विभिन्नभागेषु स्थितैः जनैः सह प्रत्यक्षं सम्बद्धुं साहाय्यं करोति। सः युवभ्यः स्वमातृभाषया सह सम्बद्धाः भूत्वा विश्वात् शिक्षितुं आह्वानं कृतवान्। तत्सह सः माता-पितॄन् बालैः सह तेषां मातृभाषायां संवादं कर्तुं अपि आह्वानं कृतवान्।

शाहः अवदत्, “भाषा एव तत् माध्यमम् अस्ति, यत् अस्मान् अस्माकं मातृभूम्या, अस्माकं मृत्तिकया, अस्माकम् इतिहासेन अस्माकं संस्कृत्या च संयोजयति।”

उल्लेखनीयं यत् १४ सेप्टेम्बर १९४९ तमे वर्षे संविधानसभया हिन्दीभाषा सङ्घस्य राजभाषारूपेण स्वीकृता आसीत्। अस्याः स्मरणार्थं प्रतिवर्षं १४ सेप्टेम्बरमासे हिन्दी-दिवसः आचर्यते।

Hindusthan Samachar / Divya Ranjan