इन्दौरे खजरानागणेशमन्दिरे प्रारब्धः दशदिवसीयः गणेशचतुर्थीमहोत्सवः

जिलाधिकारी शिवमवर्मणा खजरानागणेशमन्दिरं गत्वा पूजाऽर्चनं कृत्वा महोत्सवस्य शुभारम्भः कृतः।

इन्दौरः, १४ सितम्बरमासः (हि.स.)। मध्यप्रदेशस्य इन्दौरनगरे स्थिते प्रसिद्धे श्रीखजरानागणेशमन्दिरे सोमवासरात् दशदिवसीयः गणेशचतुर्थीमहोत्सवः प्रारब्धः। जिलाधिकारी-सह-अध्यक्षः शिवमवर्मा खजरानागणेशमन्दिरं गत्वा विधिविधानपूर्वकं पूजाऽर्चनं कृत्वा दशदिवसीयस्य गणेशचतुर्थीमहोत्सवस्य शुभारम्भं कृतवान्।

अस्मिन् अवसरे नगरनिगमस्य आयुक्तः सह प्रशासकः क्षितिजसिङ्घलः सहिताः अन्ये अधिकारिणः मन्दिरप्रबन्धसमित्याः पदाधिकारिणश्च उपस्थिताः आसन्। मन्दिरे महोत्सवस्य अवधौ प्रतिदिनं विशेषशृङ्गारः, पूजाऽर्चनं च सह भजनसन्ध्याः सांस्कृतिकप्रस्तुतयश्च भविष्यन्ति।

ध्वजापूजनं लड्डूप्रसादस्य वितरणं च

उद्घाटनदिने ध्वजापूजनं कृतम् तथा लड्डूप्रसादस्य वितरणमपि अभवत्। श्रद्धालुषु अपारः उत्साहः दृष्टः।

Hindusthan Samachar / Dheeraj Maithani