नवदिल्ली, १४ सेप्टेम्बरमासः (हि.स.)। भारतीयजनतापक्षस्य (भाजपा) राष्ट्रिया-ध्यक्षः नितिननवीनः प्रधान-मन्त्रिणः नरेन्द्रमोदिनः जन्मदिवसस्य अवसरे देशवासिभ्यः ‘आशीर्वादस्य दीपं’ प्रज्वाल-यितुम् आह्वानं कृतवान्। सः अवदत् यत् प्रधानमन्त्रिणः मूलध्येयं ‘जनसेवया देशसेवा’ इति अभवत् तथा गत २५ वर्षेषु तेन एतेनैव सङ्कल्पेन देशस्य सेवा कृता अस्ति।

नितिननवीनः सोमवासरे प्रसारिते एकस्मिन् दृक्सन्देशे अवदत् यत् यदा नरेन्द्रमोदी देशस्य नेतृत्वं स्वीकृतवान्, तस्मिन् समये देशस्य समक्षं बह्व्यः समस्या: आसन्। तेन नवीननीतीनां योजनानां च माध्यमेन सामान्यजनानां जीवने परिवर्तनं आनेतुं कार्यं कृतम्। कोरोनामहामार्याः कालेऽपि प्रधानमन्त्रिणः नेतृत्वे देशेन सङ्कटं अवसरत्वेन परिवर्तयितुं प्रयासः कृतः तथा च लसीकां विकसितवान्, येन आत्मनिर्भरभारतस्य दिशि स्वस्य क्षमतां प्रदर्शितवान्।

सः अवदत् यत् मोदीसर्वकारेण युवभ्यः महिलाभ्यश्च आत्मनिर्भरत्वाय अनेके पदक्षेपाः स्वीकृताः। नवोद्यमानां माध्यमेन युवभ्यः नवीनाः अवसराः प्राप्ताः, तद्वत् शौचालयनिर्माणस्य ‘लखपतिदीदी’ इत्यादीनां योजनानां माध्यमेन महिलानां सम्मानस्य आर्थिकसशक्तीकरणस्य च विषये बलं दत्तम्।

भाजपाध्यक्षः अवदत् यत् देशस्य सुरक्षाक्षेत्रेऽपि महत् परिवर्तनम् अभवत्। नक्सलवादस्य प्रभावः बहुधा न्यूनीकृतः अस्ति तथा आतङ्कवादस्य विरुद्धमपि सर्वकारेण कठोरं रुखं स्वीकृतम्। सः अवदत् यत् अधुना देशः स्वसीम्नां सुरक्षायाः विषये पूर्वापेक्षया अधिकं सुदृढस्थितौ अस्ति।

नितिननवीनः अवदत् यत् देशः ‘विकसितभारत @ २०४७’ इति सङ्कल्पेन अग्रे वर्धते। सः जनान् आहूतवान् यत् प्रधानमन्त्रिणः जन्मदिवसे १७ सेप्टेम्बर-मासे सायं षड्वादनतः सप्तवादनपर्यन्तं स्वगृहेषु ‘आशीर्वादस्य दीपं’ प्रज्वालयन्तु तथा तस्य दीर्घायुषः यशस्विनश्च जीवनस्य कामनां कुर्वन्तु।

Hindusthan Samachar / Divya Ranjan