गुवाहाटी, 14 सितंबरमासः (हि.स.)।

असमस्य मुख्यमन्त्री डॉ. हिमन्तविश्वशर्मा सोमवासरे हिन्दी-दिवसस्य अवसरे हिन्दीभाषायाः समृद्धां साहित्यिकपरम्परां भारतीयसमाजे तस्याः योगदानं च प्रति नमनं कृतवान्। सामाजिकसञ्चारमाध्यमेन प्रकाशिते सन्देशे मुख्यमन्त्री अवदत् यत् हिन्दीभाषायाः सौन्दर्यं तस्यां कबीरस्य निर्भीकता, तुलसीदासस्य भक्तिः, मुन्शी प्रेमचन्दस्य संवेदनशीलता तथा रामधारीसिंहदिनकरस्य हुंकारः एकस्मिन् समये दृश्यते इति।

डॉ. शर्मणा उक्तं यत् समयस्य परिवर्तनैः सह हिन्दीभाषया भारतस्य परिवर्तमानस्य समाजस्य, विचाराणां, जीवनस्य च अभिव्यक्तिः कृता अस्ति। सः हिन्दीभाषायाः अस्याः जीवन्तायाः समृद्धायाश्च परम्परायाः प्रति सम्मानं प्रकटयन् हिन्दी-दिवसस्य अवसरे सर्वेभ्यः शुभकामनाः प्रदत्तवान्।

-----------

Hindusthan Samachar / Dheeraj Maithani