लखनऊ, १४ सेप्टेम्बरमासः (हि.स.)। उत्तरप्रदेशस्य मुख्यमन्त्री योगी आदित्यनाथः गणेशचतुर्थ्याः अवसरे प्रदेशवासिनां नाम पातीं लिखितवान्। सः प्रदेशवासिभ्यः गणेशचतुर्थ्याः शुभकामनाः प्रदत्तवान्। मुख्यमन्त्री प्रदेशवासिभ्यः आह्वानं कुर्वन् उक्तवान् यत् ‘स्थानीयाय स्वरः’ इत्यस्य भावनां केवलं विचाररूपेण न, अपितु व्यवहारस्य अङ्गरूपेण स्वीकरणीयम्।

मुख्यमन्त्री योगी आदित्यनाथः पत्रे लिखितवान्— “मम सम्मानिताः प्रदेशवासिनः! सामाजिकैकतां राष्ट्रं प्रति स्वसङ्कल्पं च सुदृढं कुर्वतः महापर्वणः गणेशचतुर्थ्याः भवद्भ्यः सर्वेभ्यः कोटिशः मङ्गलकामनाः।”

सः उक्तवान् यत् गणेशोत्सवस्य ज्ञानस्य, विवेकस्य कर्मणश्च भावना सृजनस्य निर्माणस्य च स्वरूपे भगवान् विश्वकर्मणः पूजने दृश्यते। १७ सेप्टेम्बरमासे यदा सृष्टेः प्रथमस्य अभियन्तुः भगवान् विश्वकर्मणः पूजनं करिष्यते, तदा कौशलस्य प्रौद्योगिक्याश्च सङ्गमेन नूतनासु उन्नतिषु अग्रसरस्य विकसितस्य उत्तरप्रदेशस्य निर्माणस्य सङ्कल्पः अधिकं सुदृढः भविष्यति।

मुख्यमन्त्री योगी उक्तवान् यत् “अहं भवद्भ्यः सर्वेभ्यः विशेषरूपेण आग्रहं कर्तुम् इच्छामि यत् ‘स्थानीयाय स्वरः’ इत्यस्य भावनां केवलं विचाररूपेण न, अपितु व्यवहारस्य अङ्गरूपेण स्वीकरोतु। स्थानीयानां उत्पादानां सम्मानं वर्धिष्यते चेत् शिल्पिनां हस्तेभ्यः कार्यं, युवभ्यः रोजगारस्य अवसराः, प्रदेशस्य अर्थव्यवस्थायै च नूतना गतिः प्राप्स्यते। प्रकृतेः प्रति संवेदनशीलता, कौशले स्थानीयसामर्थ्ये च विश्वासः एव आत्मनिर्भरस्य विकसितस्य च उत्तरप्रदेशस्य निर्माणस्य मार्गं प्रशस्तं करिष्यति।”

Hindusthan Samachar / Divya Ranjan