हरिद्वारम्, 14 सितंबरमासः (हि.स.)।

बहादराबादस्थिते आयुष्मान् आरोग्यमन्दिरे आयुर्वेदोत्कर्षकेन्द्रस्य शल्यचिकित्साकक्षस्य च शुभारम्भः कृतः। आयुषः आयुषशिक्षायाश्च मन्त्री मदनकौशिकः मुख्यातिथिरूपेण केन्द्रस्य फीता छित्त्वा उद्घाटनं कृतवान्, यदा रानीपुरविधायकः आदेशचौहानः कार्यक्रमस्य अध्यक्षताम् अकरोत्।

आयुषमन्त्री मदनकौशिकः अवदत् यत् आयुर्वेदं जनसेवया सह संयोजयितुं सर्वकारस्य प्राथमिकता अस्ति। अयं केन्द्रः ग्रामीणक्षेत्रेषु गुणवत्तापूर्णाः आयुषसेवाः उपलब्धाः करिष्यति, विशेषतः क्षारकर्मणि शल्यचिकित्सायां च।

विधायकः आदेशचौहानः अवदत् यत् स्वास्थ्यसेवानां विस्तारः ग्रामीणक्षेत्रपर्यन्तं भवितव्यः। अयं केन्द्रः क्षेत्रवासिनां कृते महत्त्वपूर्णं वरदानम् अस्ति।

स्वामी अनन्तानन्दः गोशालायाः, आयुर्वेदस्य विषमुक्तकृषेश्च परस्परसम्बन्धे प्रकाशं पातितवान्।

जनपदायुर्वेदिकयूनानी-अधिकारी डॉ. स्वास्तिकसुरेशः केन्द्रे उपलब्धानां सेवानाꣳ विषये सूचनां प्रदत्तवान्। कार्यक्रमसमन्वयकः डॉ. अवनीशकुमारउपाध्यायः आभारं व्यक्तवान्, सञ्चालनं च डॉ. भास्करानन्देन कृतम्।

कार्यक्रमे स्वामी अनन्तानन्दमहाराजः, ब्लॉकप्रमुखः, डॉ. विक्रमसिंहरावतः, डॉ. विशालप्रभाकरः, डॉ. सौरमीसोनकरः, डॉ. ज्योतीराणा सहिताः विभागीयाः अधिकारिणः, चिकित्सकाः, आशाकार्यकर्तारः बहुसङ्ख्याकाः क्षेत्रवासिनश्च उपस्थिताः आसन्।

---------------

Hindusthan Samachar / Dheeraj Maithani