रायपुरम्, १५ सितम्बरमासः (हि.स.)। मुख्यमन्त्रिणा विष्णुदेवसायेन नूतनस्य सस्यस्य स्वागतस्य प्रकृतेः अनुपमोपहारस्य प्रति कृतज्ञतायाः च पावनपर्वणः नुआखाई इत्यस्य अवसरे हार्दिकाः बधायाः शुभकामनाश्च प्रदत्ताः। मुख्यमन्त्रिणा अस्मिन् अवसरे अन्नदातॄणां कृषकाणां सुखसमृद्धेः, उत्तमसस्यस्य, सर्वेषां परिवाराणां च सुखसमृद्धेः मङ्गलकामना कृता।

मुख्यमन्त्रिणा सायेन मङ्गलवासरे उक्तं यत् नुआखाई समृद्धकृषिसंस्कृत्या लोकपरम्पराभिश्च सम्बद्धं महत्त्वपूर्णं पर्व अस्ति। नूतनस्य सस्यस्य आगमनस्य हर्षेण आचर्यमाणमिदं पर्व प्रकृतेः प्रति कृतज्ञताम्, अन्नस्य सम्मानं, कृषकस्य अथकपरिश्रमस्य प्रति आदरभावं च प्रकटयति। क्षेत्रेषु उत्पादितं नूतनं सस्यं केवलं कृषकस्य परिश्रमस्य फलम् एव न, अपितु प्रकृतेः कृपायाः अस्माकं कृषिप्रधानसंस्कृतेः समृद्धेश्च प्रतीकमपि अस्ति।

मुख्यमन्त्रिणा उक्तं यत् छत्तीसगढस्य संस्कृतौ कृषिकार्यं केवलम् आजीविकायाः साधनं नास्ति, अपितु अस्माकं सामाजिक-सांस्कृतिकजीवनस्य अभिन्नम् अङ्गम् अस्ति। अस्माकं बहवः पर्वाणि परम्पराश्च कृषिचक्रेण, प्रकृत्या, लोकजीवनेन च गभीररूपेण सम्बद्धानि सन्ति।

मुख्यमन्त्रिणा सायेन उक्तं यत् नुआखाई स्वस्य मृत्तिकया, स्वकीयैः मूलैः, गौरवशालिनीभिः परम्पराभिश्च सह सम्बद्धाः भवितुं प्रेरणां ददाति। एतत् पर्व सामाजिकात्मीयतां, पारिवारिकैकतां, परस्परसौहार्दं च दृढतरं करोति। यदा नूतनसस्यस्य हर्षाः परिवारैः समाजेन च मिलित्वा साझीकृताः भवन्ति, तदा लोकसंस्कृतिः अधिकं जीवन्तवती समृद्धा च भवति।

मुख्यमन्त्रिणा सायेन नुआखाई-पर्वणः पावनावसरे कामना कृता यत् प्रकृतेः कृपा छत्तीसगढे सदैव स्थिरा भवतु। अस्माकं कृषकबान्धवानां क्षेत्राणि हरितानि सस्यैः परिपूर्णानि च भवन्तु, अन्नस्य भण्डाराः परिपूर्णाः भवन्तु तथा अन्नदातॄणां गृहेषु प्राङ्गणेषु च समृद्धिः आगच्छतु। प्रदेशस्य प्रत्येकस्य परिवारस्य जीवने सुखं, शान्तिः, समृद्धिः, सौख्यं च प्रस्रियताम् तथा परस्परं प्रेम, भ्रातृभावः, सद्भावना च निरन्तरं दृढतराः भवन्तु।

Hindusthan Samachar / Dheeraj Maithani