Enter your Email Address to subscribe to our newsletters
भुवनेश्वरम्, 15 सितंबरमासः (हि.स.)।
ओडिशाराज्यस्य मुख्यमन्त्रिणा मोहनचरणमाझिना मङ्गलवासरे अभियन्तृ-दिवसस्य अवसरे भारतरत्नेन सम्मानिताय सर् एम्. विश्वेश्वरय्याय श्रद्धाञ्जलिः समर्पिता तथा तस्य दूरदर्शिनः योगदानं स्मृतम्। तेन उक्तं यत् अभियान्त्रिक्याः राष्ट्रनिर्माणस्य च क्षेत्रे विश्वेश्वरय्यस्य योगदानम् अद्यापि पीढीनां प्रेरणां ददाति।
मुख्यमन्त्रिणा माझिना सामाजिक-माध्यमे स्वसन्देशे सर्वेभ्यः अभियन्तृभ्यः शुभकामनाः प्रदत्ताः। तेन उक्तं यत् अभियन्तॄणां ज्ञानं, नवाचारः, समर्पणं च ओडिशाराज्यं भारतं च अधिकं सुदृढं, समृद्धम्, आत्मनिर्भरं च कर्तुं महत्त्वपूर्णं योगदानं प्रददाति। अभियान्त्रिकीक्षेत्रे सम्बद्धानां सर्वेषां जनानां योगदानस्य प्रशंसां कुर्वता तेषां उज्ज्वलभविष्यस्य कामना कृता।
---------------
Hindusthan Samachar / Dheeraj Maithani