देहरादूनम्, १५ सेप्टेम्बरमासः (हि.स.)। भारत-अमेरिकयोः सेनयोः संयुक्तसैन्या-भ्यासस्य ‘युद्धाभ्यास-२०२६’ इत्यस्य द्वाविंशतितमं संस्करणं मङ्गलवासरे उत्तराखण्डस्य औली इत्यत्र प्रारब्धम्। अभ्यासस्य अवधौ पर्वतीयेषु अर्धपर्वतीयेषु च क्षेत्रेषु संयुक्ताभियानानां कृते उभयोः सेनयोः परिचालनक्षमतायाः समन्वयस्य च सुदृढीकरणे बलं प्रदास्यते।

अस्मिन् अभ्यासे उभयोः देशयोः प्रायः ६००-६०० सैनिकाः भागं गृह्णन्ति। औल्यां विदेशप्रशिक्षणकेन्द्रे आयोजिते उद्घाटन-समारोहे अमेरिकीसेनायाः १४तमस्य इन्फैन्ट्री-डिवीजन इत्यस्य जनरल-ऑफिसर-कमाण्डिङ् मेजर-जनरल अमरेशगुञ्जनः तथा ११तमस्य एयरबोर्न-डिवीजन इत्यस्य प्रथमस्य इन्फैन्ट्री-ब्रिगेड-कॉम्बैट-दलस्य कमाण्डरः कर्नल बेंजामिन् जैकमैनः प्रतिभागिदलान् सम्बोधितवन्तौ। अयं अभ्यासः औली इत्यनेन सह राजस्थानस्य महाजन-क्षेत्रीय-अग्निप्रहार-प्रशिक्षण-क्षेत्रेऽपि समकालम् आयोजितः भवति।

उभयोः देशयोः सैन्याधिकारिभिः प्रतिभागिदलानि सम्बोधितानि। अभ्यासे निरीक्षण-टोहीकार्ययोः कृते ड्रोन-यन्त्राणां स्वायत्तप्रणालीनां च प्रयोगः करिष्यते। तदतिरिक्तं उभयोः देशयोः सैन्यविशेषज्ञाः उद्भाव्यमानासु सैन्यप्रौद्योगिकीषु बहुक्षेत्रीययुद्धस्य परिवर्तमानपरिस्थितिषु च स्वानुभवान् परस्परं सहभागं करिष्यन्ति।

रक्षामन्त्रालयस्य अनुसारम्, अभ्यासस्य प्रमुखोद्देश्यं द्वयोः सेनयोः मध्ये अन्तर-सञ्चालनीयतां वर्धयितुम्, परिचालना-नुभवान् परस्परं सहभागं कर्तुम्, संयुक्तयोजनां तथा अभियानसञ्चालनस्य क्षमतां च सुदृढां कर्तुम् अस्ति। प्रशिक्षणस्य अवधौ पर्वतीयभूभागे विभिन्नानाम् परिचालनपरिस्थितीनाम् अनुरूपं रण-नीतिनां, तकनीकीनां प्रक्रियाणां च आदान-प्रदानं करिष्यते।

अभ्यासे पदातिसैनिकाधारित-अभियानेषु विशेषं ध्यानं दीयते। अनेन उभयोः सेनयोः समस्यापूर्णासु पर्वतीयपरिस्थितिषु समन्वितान् अभियानान् सञ्चालयितुं तथा एकीकृतयुद्धसमूहानां प्रयोगसम्बद्धानां क्षमतानां सुदृढीकरणाय अवसरं प्राप्स्यते।

Hindusthan Samachar / Divya Ranjan