Enter your Email Address to subscribe to our newsletters
नव दिल्ली, 15 सितंबरमासः (हि.स.)।वीएफएस ग्लोबल-संस्थया दक्षिण एशियायां दक्षिणकोरियादेशस्य वीसा-सेवानां विस्तारं कुर्वती भारत-बाङ्ग्लादेश-श्रीलङ्कादेशेषु समग्ररूपेण षट् कोरिया-वीसा-आवेदनकेन्द्राणां सञ्चालनस्य घोषणा कृता अस्ति। भारतस्य नवदिल्ल्यां, बेङ्गलूरुनगरे, चेन्नैनगरे, कोलकातानगरे च, बाङ्ग्लादेशस्य ढाकानगरे तथा श्रीलङ्कायाः कोलम्बोनगरे अपि कोरिया-वीसा-आवेदनकेन्द्राणि प्रारब्धानि सन्ति।
नवदिल्ल्यां स्थितस्य नूतनकेन्द्रस्य उद्घाटनं मङ्गलवासरे भारतस्थेन कोरिया-गणराज्यस्य राजदूतेन ली सियोंग-हो-महोदयेन कृतम्। वीएफएस ग्लोबल-संस्थया सूचितं यत् सा वर्षद्वयधिकदशशतोत्तरैकादशात् भारतस्थायै कोरिया-गणराज्यस्य सर्वकाराय वीसा-प्रक्रियासम्बद्धाः सेवाः प्रददाति।
नूतनकेन्द्रस्य माध्यमेन आवेदकेभ्यः वीसा-आवेदनं समर्पयितुं अधिकसुविधाजनकः वैयक्तिकश्च अनुभवः प्राप्स्यते। ढाकानगरे कोलम्बोनगरे च केन्द्रयोः प्रारम्भानन्तरं दक्षिण एशियायां वीएफएस ग्लोबल-संस्थया सञ्चालितानां कोरिया-वीसा-आवेदनकेन्द्राणां संख्या षट् अभवत्।
अस्मिन् अवसरे कोरिया-गणराज्यस्य राजदूतः ली सियोंग-हो-महोदयः अवदत् यत् नूतनकेन्द्रस्य स्थापना भारत-कोरिययोः सम्बन्धान् अधिकं दृढीकर्तुं दिशि महत्त्वपूर्णं पदम् अस्ति। अस्य उद्देश्यं आवेदकेभ्यः सरलम्, कार्यक्षमं, सुगमं च आवेदनानुभवं प्रदातुम् अस्ति। तेन उभयोः देशयोः मध्ये यात्रां सुकरां कर्तुं जनानां मध्ये व्यापकविनिमयस्य च प्रोत्साहनाय वीएफएस ग्लोबल-संस्थया सह सहकारितां अधिकं सुदृढां कर्तुं उक्तम्।
वीएफएस ग्लोबल-संस्थायाः दक्षिण एशिया-प्रमुखा परिचालनाधिकारिणी युम्मी तलवार-महोदया अवदत् यत् त्रिषु देशेषु षट् कोरिया-वीसा-आवेदनकेन्द्राणां माध्यमेन सेवाप्राप्तिः कोरिया-गणराज्येन सह संस्थायाः सहकारितायां महत्त्वपूर्णा उपलब्धिः अस्ति। एतत् सम्पूर्णे क्षेत्रे कोरिया-वीसायाः वर्धमानां मागमपि प्रदर्शयति। आधुनिकसुविधाभिः प्रशिक्षितदलैश्च संस्था आवेदनप्रक्रियां अधिकं सरलां सुविधाजनकां च कर्तुं प्रयतते।
संस्थायाः अनुसारं वीसा-आवेदनप्रक्रियायां तस्याः भूमिका केवलं प्रशासनिककार्येषु सीमिता अस्ति। तत्र आवेदनपत्रस्य आवश्यकदस्तावेजानां च सङ्ग्रहणं तथा जैवमितीयविवरणानां पञ्जीकरणं सम्मिलितम् अस्ति। वीसा-प्रदानस्य अथवा अस्वीकारस्य निर्णयः सम्बन्धित-दूतावासस्य विशेषाधिकारः पूर्णदायित्वं च अस्ति। अत्र वीएफएस ग्लोबल-संस्थायाः कापि भूमिका नास्ति।
वीएफएस ग्लोबल-संस्थायाः अनुसारं सा सम्प्रति एकसप्ततिः ग्राहकसर्वकारेभ्यः सेवाः प्रददाति तथा सप्तदशाधिकशतं देशेषु चतुःसहस्राधिकानि द्विशतं च केन्द्राणि सञ्चालयति।
------------
Hindusthan Samachar / Dheeraj Maithani