धर्मशाला, १५ सेप्टेम्बरमासः (हि.स.)। हिमाचलप्रदेशकेन्द्रीयविश्वविद्यालये मङ्गलवासरे राष्ट्रिय-अभियन्तृदिवसस्य अवसरे आयोजिते कार्यक्रमे विविधाः गतिविधयः आयोजिताः। अयं दिवसः भारतस्य महान् अभियन्ता, नवोन्मेषकः राष्ट्रनिर्माता च भारतरत्नं सरमोक्षगुण्डम् विश्वेश्वरय्या इत्यस्य जन्मजयन्त्याः उपलक्ष्ये आचर्यते।

राष्ट्रिय-अभियन्तृदिवसस्य अवसरे सङ्गणक-अभियान्त्रिकी-रोबोटिक्स-विभागेन विविधाः तकनीकी-सृजनात्मक-गतिविधयः आयोजिताः। तासु प्रश्नोत्तरी-प्रतियोगिता, सङ्केतलेखन-सॉफ्टवेयर-विकास-समस्या, पोस्टर-निर्माण-प्रतियोगिता च प्रमुखाः आसन्। एताभिः गतिविधिभिः विद्यार्थिभ्यः स्वकीयस्य तकनीकीज्ञानस्य, सृजन-शीलतायाः, सङ्गणकीयचिन्तनस्य, समस्यासमाधानक्षमतायाः, सामूहिक-कार्यस्य च प्रदर्शनस्य अवसरः प्राप्तः। प्रतियोगितासु विशेषरूपेण कृत्रिमबुद्धे:, यन्त्राधिगमस्य, गहना-धिगमस्य, बुद्धिमत्सङ्गणनस्य, उन्नत-सूचनाप्रौद्योगिक्याः च इत्यादिनाम् उद्भावनशीलानां परिवर्तनकारीणां च तकनीकीक्षेत्राणां विषये ध्यानं केन्द्रितम् आसीत्। एतासां गतिविधीनाम् उद्देश्यं केवलं प्रतियोगितायै सीमितं न भूत्वा विद्यार्थिनः नवीनैः विचारैः प्रयोगं कर्तुं, पारम्परिकसमाधानेभ्यः परं चिन्तयितुं तथा अभियान्त्रिकी-प्रौद्योगिक्योः उपयोगेन वास्तविकानां सामाजिकानां मानवीयानां च समस्यासां समाधानं कथं कर्तुं शक्यते इति ज्ञातुं प्रेरयितुम् आसीत्।

कार्यक्रमस्य शुभारम्भं कुर्वन् केन्द्रीय-विश्वविद्यालयस्य कुलपतिः प्रो. सतप्रकाशबंसलः विद्यार्थिभ्यः ‘उद्देश्यपूर्ण-अभियान्त्रिकी’ इत्यस्य आह्वानं कृतवान्। अस्मिन् अवसरे कुलपतिः प्रो. सतप्रकाशबंसलः विद्यार्थिभ्यः, शिक्षकभ्यः आयोजकेभ्यश्च राष्ट्रिय-अभियन्तृदिवसस्य हार्दिकाः शुभकामनाः प्रदत्तवान् तथा कार्यक्रमस्य सफलायोजनाय शुभकामना: अर्पितवान्। विद्यार्थिभ्यः सम्बोधयन् प्रो. बंसलः अवदत् यत् अभियान्त्रिकी केवलं तकनीकीपदवीं प्राप्तुं, यन्त्राणां बोधनं वा सङ्गणककार्यक्रमान् लिखितुं वा सीमिता न अस्ति। अभियान्त्रिक्याः वास्तविकमर्थः समस्याणां परिचयः, तासां मूलस्वरूपस्य अवबोधनं तथा मानवजीवनं श्रेष्ठतरं कर्तुं समर्थानां समाधानानां विकासः अस्ति।

सीयूएचपी-मध्ये प्रारप्स्यते एकवर्षीयः एआई-रोबोटिक्स-प्रमाणपत्रपाठ्यक्रमः

अस्मिन् अवसरे कुलपतिः प्रो. सतप्रकाशबंसलः विभागे अस्मादेव शैक्षणिकसत्रात् कृत्रिमबुद्धौ रोबोटिक्स इत्यस्मिन् च एकवर्षीयस्य प्रमाणपत्र-पाठ्यक्रमस्य आरम्भस्य घोषणाम् अपि अकरोत्। सः अवदत् यत् एषा पहलः विद्यार्थिभ्यः उद्भावनशीलासु प्रौद्योगिकीषु व्यावहारिकान् उद्योगाभिमुखान् च कौशलान् विकसितुं अतिरिक्तम् अवसरं प्रदास्यति। सः विद्यार्थिनः एतादृशानां कार्यक्रमाणां अधिकतमं लाभं ग्रहीतुं भविष्यस्य तकनीकी-आवश्यकतानाम् अनुरूपं स्वं सज्जीकर्तुं च प्रेरितवान्।

Hindusthan Samachar / Divya Ranjan