उन्नावः, 15 सितंबरमासः (हि.स.)।

उत्तरप्रदेशस्य उन्नावजनपदे प्रधानमन्त्रिणः आदर्शग्रामयोजनायाः अन्तर्गतं जनपदस्य चयनितेषु ७० ग्रामेषु अधुना मूलभूतसुविधानां सुधाराय विकासकार्याणि कारयिष्यन्ते।

जिलाधिकारी घनश्याममीना इत्यस्य अध्यक्षतायां मङ्गलवासरे विकासभवनस्य सभागारे आयोजितायां समीक्षासभायां एतेषां कार्याणां जनपदस्तरे अनुमोदनं प्रदत्तम्।

योजनायाः अन्तर्गतं चयनितेषु १९२ ग्रामेषु ग्रामस्तरे चयनस्य अनुमोदनस्य च प्रक्रिया पूर्णतां प्राप्तवती। ततः ७० ग्रामेषु विकासकार्याणां स्वीकृतिः प्रदत्ता अस्ति। एतेषु ग्रामेषु स्वच्छपेयजलम्, ठोस-तरल-अपशिष्टनिस्तारणम्, विद्यालयेषु आङ्गनबाडीकेंद्रेषु च शौचालयाः, आङ्गनबाडीभवनम्, सौरप्रकाशव्यवस्था, वीथिप्रकाशव्यवस्था इत्यादीनि विभिन्नानि कार्याणि कारयिष्यन्ते।

अपि च जलजीवनमिशनद्वारा आच्छादिताः न भवन्तः ये ग्रामाः, तेषु उपरितनजलाशयः, आरसीसी-लघुपुलिका, नलकूपः, नालिका, सोकपिट्, पाइपलाइन-विस्तारः, विद्युत्परिवर्तकः, भूमिस्तरीय-जलसञ्चयस्थानम् इत्यादीनि २० लक्षरुप्यकाणि यावत् मूल्यस्य विकासकार्याणि कारयितुं शक्यन्ते।

जिलाधिकारी अधिकारिभ्यः निर्देशं दत्तवान् यत् योजनायाः निर्धारितमानकानुसारं ग्रामेषु सर्वाः आवश्यकाः मूलभूतसुविधाः प्राथमिकतायाः आधारेण उपलब्धाः कारयितव्याः। सः विकासकार्येषु गुणवत्तायाः विषये कस्मिन्नपि स्तरे सम्झौता न कर्तुं तथा निर्धारितसमयसीमायां कार्यं पूर्णं कारयितुं निर्देशान् दत्तवान्।

सः उक्तवान् यत् कार्याणां गुणवत्तायां लापरवाही दृश्यते चेत् सम्बन्धितस्य अधिकारिणः उत्तरदायित्वं निर्धारितं कृत्वा कठोरकार्यवाही विधास्यते। तत्सह अवशिष्टग्रामाणां शीघ्रं सर्वेक्षणं कारयित्वा आगणनं सिद्धीकर्तुं जिला-समाजकल्याणाधिकारिणे निर्देशाः प्रदत्ताः।

सभायां जिला-समाजकल्याणाधिकारी प्रकाशपाण्डेयः, उपनिदेशकः कृषिः डी.सी. मनरेगा मुकेशकुमारः, प्रान्तीयखण्डस्य अधिशासी-अभियन्ता तथा सम्बन्धितविभागानां अधिकारिणः उपस्थिताः आसन्।

---------------

Hindusthan Samachar / Dheeraj Maithani