२५ सेप्टेम्बरमासे श्रीकृष्ण-बलदाऊ इत्यनयोः भव्यं दलं निर्गमिष्यति

प्रयागराजम्, १५ सेप्टेम्बरमासः (हि.स.)। नगरे स्थितस्य कीडगञ्जस्य शंकरलाल-भार्गवमार्गतः निर्गम्यमानस्य प्राचीनस्य दधिकांदो-मेलापकस्य शुभारम्भः १७ सेप्टेम्बरे भगवत: श्रीकृष्णस्य बलदाऊस्य च मुकुटपूजनेन सह भविष्यति। मेलकस्य मुख्यायोजनं २५ सेप्टेम्बरमासे भाद्रपदमासस्य अनन्त-चतुर्दश्याः अवसरे भविष्यति। अस्मिन् दिने श्रीकृष्ण-बलदाऊ इत्यनयोः भव्यं दलं परम्परागतमार्गेण निर्गमिष्यति।

प्राचीनश्रीदधिकांदो-समित्याः अध्यक्षः पार्षदः च रुद्रसेनजायसवालः अवदत् यत् २५ सेप्टेम्बरमासस्य सायं सप्तवादने कीडगञ्जस्थिते श्रीपञ्चायती-अखाडा-बड़ा-उदासीनस्य प्राङ्गणे आरार्तिकी-पूजनयोः आयोजनं भविष्यति। ततः श्रीकृष्ण-बलदाऊयोः दलं परम्परागत-मार्गेण शंकरलालभार्गवमार्गं यावत् निर्गमिष्यति। मेलापकस्य भव्यतां आकर्षणं च वर्धयितुं सज्जताः क्रियन्ते।

तेन उक्तं यत् दधिकांदो-मेलकस्य प्राचीनपरम्परानुसारं भगवत: श्रीकृष्णस्य बलदाऊ इत्यस्य च मुकुटयोः पूजनं १७ सेप्टेम्बरमासे करिष्यते। ततः विविध-धार्मिकानुष्ठानैः सह मेलापकस्य सज्जताः तीव्राः भविष्यन्ति। आयोजकैः श्रद्धालुभ्यः मेलापके सम्मिलितैः भगवत: श्रीकृष्णस्य बलदाऊ इत्यस्य च आशीर्वादं प्राप्तुं आह्वानं कृतम्।

Hindusthan Samachar / Divya Ranjan