Enter your Email Address to subscribe to our newsletters
गुवाहाटी, 16 सितंबरमासः (हि.स.)।
असमस्य मुख्यमन्त्री डॉ. हिमन्तबिस्वसरमा बुधवासरे उत्तराखण्डस्य मुख्यमन्त्रिणे पुष्करसिंहधामिने तस्य जन्मदिवसस्य अवसरे हार्दिकाः शुभकामनाः अयच्छत्। मुख्यमन्त्री शर्मणा धामिनः दीर्घायुः, उत्तमस्वास्थ्यं मङ्गलमयं च जीवनं कामितम्।
मुख्यमन्त्री सामाजिकमाध्यमे प्रकाशिते सन्देशे उक्तवान् यत् देवभूमेः उत्तराखण्डस्य पवित्रतां संरक्षता सह राज्यस्य सर्वाङ्गीणविकासाय धामिना क्रियमाणेभ्यः निरन्तरप्रयत्नेभ्यः सः हार्दिकं अभिनन्दनं समर्पयति।
शर्मणा उक्तं यत् तेन मातुः कामाख्यायाः महापुरुषस्य श्रीमन्तशङ्करदेवस्य च श्रीचरणयोः उत्तराखण्डस्य मुख्यमन्त्रिणः दीर्घायुषः, उत्तमस्वास्थ्यस्य कल्याणस्य च कृते प्रार्थना कृता अस्ति।
मुख्यमन्त्री धामिनः जन्मदिवसस्य अवसरे तस्य उज्ज्वलभविष्यस्य तथा जनसेवाकार्येषु निरन्तरसफलतायाः अपि कामनां कृतवान्।
---------------
Hindusthan Samachar / Dheeraj Maithani