भागलपुरम्, १६ सितम्बरमासः (हि.स.)। भागलपुरस्य टाउनहॉल् इत्यत्र बुधवासरे अखिलभारतीयग्रामीणचिकित्सकसङ्घेन भव्यस्य कार्यक्रमस्य आयोजनं कृतम्।

कार्यक्रमस्य उद्घाटनसत्रस्य शुभारम्भः भागलपुरस्य विधायकः रोहितपाण्डे, सुल्तानगञ्जस्य विधायकः प्रो. ललितमण्डलः, भाजपादलस्य जिलाध्यक्षः सन्तोषगुप्तः, बिहारभाजपायाः महामन्त्री डॉ. प्रीतिशेखरा तथा कार्यक्रमसंयोजकः देवेन्द्रमण्डलः संयुक्तरूपेण दीपप्रज्वलनं कृत्वा कृतवन्तः।

कार्यक्रमे उपस्थितैः सर्वैः वक्तृभिः ग्रामीणचिकित्सकानां कार्याणां प्रशंसा कृता। वक्तारः उक्तवन्तः यत् ग्रामीणक्षेत्रेषु स्वास्थ्यव्यवस्थां संरक्षितुं ग्रामीणचिकित्सकानां योगदानं प्रशंसनीयम् अस्ति। तथापि वक्तृभिः एतद्विषये चिन्ता अपि व्यक्ता यत् सर्वकारेण ग्रामीणचिकित्सकेभ्यः सम्मानपूर्वकं किमपि प्रशिक्षणं न प्रदातुं तेषां चिकित्साभ्यासे च प्रतिबन्धं स्थापयितुं न्यायसङ्गतं नास्ति।

कार्यक्रमे उपस्थितैः विधायकैः एतत् गम्भीरं विषयं विधानसभायां स्थापयितुं आश्वासनं प्रदत्तम्। कार्यक्रमसंयोजकेन देवेन्द्रमण्डलेन अपि सर्वकारेण सह अस्मिन् विषये सकारात्मकपदक्षेपं कर्तुं कथितम्।

अस्मिन् आयोजने विभिन्नेभ्यः जनपदेभ्यः अन्यराज्येभ्यश्च बहुसंख्याकाः ग्रामीणचिकित्सकाः सहभागं कृतवन्तः। मञ्चात् कार्यक्रमे उपस्थिताः सर्वे ग्रामीणचिकित्सकाः प्रमाणपत्रैः, स्मृतिचिह्नैः अङ्गवस्त्रैश्च सम्मानिताः।

सम्मानस्य अन्तर्गतं बिहपुरबभनगामायाः समाजसेवी निरञ्जनसाहः योगशिक्षकः सञ्जीवश्च भागलपुरस्य विधायकेन विशेषरूपेण सम्मानितौ। तत्पूर्वं समाजसेविना निरञ्जनसाहेन मञ्चस्थाय भागलपुरस्य सांसदाय, गङ्गासमग्रस्य राज्यसमित्याः सदस्यायै श्वेतासिंहायै तथा कार्यक्रमसंयोजकाय देवेन्द्रमण्डलाय च पुष्पगुच्छं प्रदाय स्वागतं कृतम्।

कार्यक्रमं पूर्णतया सफलं कर्तुं उपस्थितैः जनैः देवेन्द्रमण्डलाय तस्य सम्पूर्णाय दलाय च हार्दिकं कृतज्ञताज्ञापनं कृतम्।

---------------

Hindusthan Samachar / Dheeraj Maithani