जयपुरम्, 16 सितंबरमासः (हि.स.)।

श्रीगोविन्ददेवजीमहाराजमन्दिरे श्रीराधाष्टमीमहोत्सवः १९ सितम्बर दिनाङ्के श्रद्धया उल्लासेन च आयोजयिष्यते। महोत्सवस्य अन्तर्गतं १८ सितम्बर दिनाङ्कपर्यन्तं मन्दिरपरिसरे धार्मिकाः सांस्कृतिकाश्च कार्यक्रमाः भविष्यन्ति। एतेषु दिनेषु प्रातःसायं प्रसिद्धाभिः भजनमण्डलीभिः हरिनामसङ्कीर्तनस्य भजनानां च प्रस्तुतयः दीयन्ते।

१८ सितम्बर दिनाङ्के प्रातःकालादारभ्य सायंकालपर्यन्तम् अष्टप्रहरं हरिनामसङ्कीर्तनं भविष्यति। १६ सितम्बर दिनाङ्के प्रातः श्रीश्यामभजनसन्ध्यापरिवारसेवासमित्या तथा सायंकाले एसएमएस ब्लड बैंक परिवारस्य पक्षतः भजनकीर्तनं कृतम्। १७ सितम्बर दिनाङ्के प्रातः श्रीसरसप्रभातमण्डलेन तथा सायंकाले श्रीश्यामअनमोलसेवारत्नपरिवारट्रस्टस्य पक्षतः सङ्कीर्तनं भविष्यति।

एतेषु दिनेषु राजभोगस्य झाङ्की प्रातः १०.४५ तः ११.१५ वादनपर्यन्तं भविष्यति। श्रीगोविन्ददेवजीमन्दिरस्य सेवाधिकारी मानस गोस्वामिनः अनुसारं राधाष्टमीस्य मुख्यपर्वणि १९ सितम्बर दिनाङ्के ठाकुरजीमूर्तेः श्रीराधाराण्याश्च पञ्चामृतेन महाभिषेकः करिष्यते। ततः परं बधाई उत्सवः आयोजयिष्यते। मन्दिरे दिवसभरं विशेषझाङ्कीनां दर्शनं भविष्यति।

मङ्गलाझाङ्की प्रातः ४ तः ४.१५ वादनपर्यन्तं, अभिषेकः ४.४५ तः ५ वादनपर्यन्तं, धूपझाङ्की ७.४५ तः ९ वादनपर्यन्तं तथा शृङ्गारबधाई उत्सवस्य झाङ्की ९.३० तः १०.१५ वादनपर्यन्तं भविष्यति। राजभोगझाङ्की प्रातः ११ तः ११.३० वादनपर्यन्तं भविष्यति। सायंकाले गोपालझाङ्की ५ तः ५.१५ वादनपर्यन्तं, सन्ध्याझाङ्की ५.४५ तः ६.४५ वादनपर्यन्तं तथा उत्सवदर्शनं सायं ७ तः रात्रौ ८.३० वादनपर्यन्तं भविष्यति। शयनझाङ्की रात्रौ ९ तः ९.१५ वादनपर्यन्तं भविष्यति।

श्रीगोविन्ददेवजीमन्दिरस्य सेवाधिकारी मानस गोस्वामिनः अनुसारं राधाष्टम्यां बहुसंख्यकानां श्रद्धालूनां आगमनस्य सम्भावनां दृष्ट्वा मन्दिरप्रशासनेन सुरक्षायै जनसमूहव्यवस्थापनाय च विशेषनिर्देशाः निर्गताः सन्ति। हृदयरोग, मधुमेह, रक्तचाप तथा श्वाससम्बद्धरोगैः सह गम्भीररोगैः पीडितानां श्रद्धालूनां जनसमूहे आगमनं परिहर्तुं परामर्शः दत्तः अस्ति।

प्रशासनेन श्रद्धालुभ्यः बहुमूल्यवस्तूनि, पुटकानि, थैलाः, महिलाप्रसाधनपुटकानि तथा बहुमूल्याभरणानि नीत्वा मन्दिरं न आगन्तुं निवेदनं कृतम् अस्ति। पर्याप्तं जलं पातुं जलपात्रं स्वसमीपे स्थापयितुं च परामर्शः दत्तः अस्ति। मन्दिरप्रशासनेन उक्तं यत् कश्चित् सन्दिग्धः व्यक्तिः अथवा परित्यक्ता वस्तु दृष्टिगोचरा भवेत् चेत् तत्कालं मन्दिरप्रशासनाय पुलिसप्रशासनाय वा संसूचना दीयताम्। महोत्सवकाले धार्मिककार्यक्रमैः सह सुरक्षा सुव्यवस्था च विशेषरूपेण सुनिश्चिता भविष्यति।

---------------

Hindusthan Samachar / Dheeraj Maithani