रायबरेली, 16 सितम्बरमासः (हि. स.)। उत्तरप्रदेशस्य रायबरेलीजनपदस्य ऊञ्चाहारक्षेत्रे आयोजितायां श्रीशिवमहापुराणकथायां श्रवणार्थं बुधवासरे जम्मूकश्मीरस्य उपराज्यपालः मनोजसिन्हः समागतवान्। अस्मिन् अवसरे सः अवदत् यत् भोलेशङ्करस्य कथा सत्यपिपासूनां साधकानां कृते कस्यापि तीर्थात् न्यूनतरा नास्ति, भोलेशङ्करः अस्माकं तारणहारः अस्ति।

श्रीशिवमहापुराणकथायां सः आध्यात्मिकव्याख्यां कुर्वन् अवदत् यत् यथा अग्नौ तप्तं सुवर्णं विशुद्धतरं भवति, तथैव सत्सङ्गः मनुष्यस्य प्राणशक्तिं आध्यात्मिकशक्तिं च पुनर्जीवयति परिष्करोति च।

स्वकीयमभिभाषणं अग्रे नयन् उपराज्यपालः अवदत् यत् अनादिकालात् सनातनसंस्कृतिः वैश्विककल्याणे, सर्वसमावेशिविकासे, समरसतायां च एव बलं प्रदत्तवती अस्ति। अद्य प्रधानमन्त्री नरेन्द्रमोदिनः नेतृत्वे भारतम् एतं प्राचीनं दर्शनं मानवीयमूल्यं च वैश्विकस्तरे साकारयितुं प्रयतमानम् अस्ति।

गतसप्ताहे देहलीनगरे आयोजितस्य ब्रिक्सदेशानां सम्मेलनस्य अन्तर्राष्ट्रीयसभानां च उल्लेखं कुर्वन् सः अवदत् यत् विश्वस्य अत्यन्तशक्तिशालिनां नेतॄणां उपस्थितिः अस्य विषयस्य जीवन्तं प्रतीकम् आसीत् यत् अद्य विशालकुटुम्बस्य भावना अस्माकं सनातनसंस्कृतेः एव महान् उपहारः अस्ति।

उपराज्यपालः मनोजसिन्हः अवदत् यत् अद्य विश्वस्य प्रायः प्रत्येकस्मिन् गृहे सत्सङ्गः योगः ध्यानं च जनानां जीवनस्य अभिन्नाङ्गानि भवन्ति इति अत्यन्तं प्रसन्नतायाः विषयः अस्ति। दीर्घकालीनसंघर्षस्य अनन्तरम् अद्य भारतं पुनः विश्वस्य मार्गदर्शनं कर्तुं समर्थां स्थितिं प्रति अग्रसरत् अस्ति।

सः आयोजनस्य कृते मन्त्रिमण्डलमन्त्रिणः मनोजपाण्डेयस्य प्रति आभारं प्रकटयन् अवदत् यत् अनेन भव्यायोजनेन सम्पूर्णे जनमानसे नूतनशक्तेः सकारात्मकचेतनायाश्च सञ्चारः कृतः अस्ति। अस्याः घटनायाः पूर्वम् आयोजकेन मन्त्रिमण्डलमन्त्रिणा मनोजपाण्डेयेन उपराज्यपालस्य सम्मानं कृतम् तथा च उपराज्यपालेन कथाव्यासस्य पण्डितप्रदीपमिश्रस्य आशीर्वादः प्राप्तः।-------------------

Hindusthan Samachar / Dheeraj Maithani