नव दिल्ली, 16 सितंबरमासः (हि.स.)।

विश्व-एथलेटिक्स-स्वर्ण-चिह्नित-दौड-वेदान्त-दिल्ली-अर्धमैराथनस्य एकविंशतितमसंस्करणस्य प्रतिष्ठितसमापयितृपदकस्य बुधवासरे अनावरणं कृतम्। दिल्लीसचिवालये मुख्यमन्त्रिणा रेखा गुप्तया अस्य पदकस्य अनावरणं कृतम्। एतत् पदकं प्रत्येकस्य धावकस्य उपलब्धेः तथा समापनरेखां प्राप्तुं तस्य कृतपरिश्रमस्य प्रतीकम् अस्ति।

वेदान्त-दिल्ली-अर्धमैराथनस्य आयोजनं रविवासरे, अष्टादशे अक्टूबर् २०२६ तमे वर्षे प्रतिष्ठितात् जवाहरलाल-नेहरू-क्रीडाङ्गणात् प्रारभ्यते। भारतात् विश्वस्य च विभिन्नेभ्यः भागेभ्यः सहस्रशः धावकाः राजधानीमार्गेषु एकेन लक्ष्येन सह अवतरिष्यन्ति, समापनरेखां पारयित्वा स्वपदकं प्राप्तुं च प्रयतिष्यन्ते।

गतद्विदशकेषु इदम् आयोजनं दिल्लीस्य क्रीडापरिचयस्य अभिन्नम् अङ्गं जातम् अस्ति। एतत् स्वास्थ्यसामर्थ्यस्य, सहभागितायाः, धावनस्य उत्साहस्य च उत्सवरूपेण सम्पूर्णं नगरम् एकत्र आनयति। अनेकेषु प्रकारेषु अस्य स्थायिविरासत् प्रधानमन्त्रिणः नेतृत्वे फिट्-इण्डिया-आन्दोलनस्य माध्यमेन अग्रे नीयमानस्य स्वस्थस्य सुदृढस्य च भारतस्य तस्य दृष्टेः प्रतिबिम्बं दर्शयति।

अस्मिन् अवसरे मुख्यमन्त्रिणा उक्तम्, “स्वास्थ्ये, स्वास्थ्यसामर्थ्ये, महिलानां वर्धमाने सहभागितायां तथा व्यापकसामाजिक-आर्थिक-परोपकारीप्रभावे च केन्द्रितः वेदान्त-दिल्ली-अर्धमैराथनः राष्ट्रिय-राजधान्यै महत्त्वपूर्णः उपक्रमः जातः अस्ति। प्रतिभागिनां उत्साहः प्रसन्नता च वास्तवतः प्रेरणादायिनी अस्ति तथा दिल्लीसर्वकारः अस्य आयोजनस्य सह दृढतया तिष्ठति, येन अस्य संस्करणस्य सफलता अधिका भवेत्।”

कपिल मिश्रा (श्रम, सर्मति तथा पर्यटनमन्त्री, दिल्लीसर्वकारः) इत्यनेन अस्मिन् अवसरे उक्तम्, “वेदान्त-दिल्ली-अर्धमैराथनः दिल्लीस्य वार्षिककार्यक्रमाणां महत्त्वपूर्णः आयोजनः जातः अस्ति, यः देशस्य विश्वस्य च विभिन्नेभ्यः भागेभ्यः जनान् एकत्र आनयति। दिल्लीसर्वकारः तथा दिल्लीपर्यटनविभागः एतादृशानां क्रीडायोजनानां प्रोत्साहनाय पूर्णतया प्रतिबद्धौ स्तः, ये दिल्लीं पर्यटनस्थलरूपेण अधिकं सुदृढं कुर्वन्ति। अष्टादशे अक्टूबर् आयोज्यमानस्य अस्य संस्करणस्य भव्यसफलतां कर्तुं वयम् उत्सुकाः स्मः।”

वेदान्त-दिल्ली-अर्धमैराथनस्य परम्परां अग्रे नयन् २०२६ तमस्य वर्षस्य समापयितृपदकं भारतस्य समृद्धां प्राकृतिकविरासतं प्रत्येकस्य धावकस्य व्यक्तिगतयात्रां च एकत्र संयोजयति। एतत् पदकं उच्चगुणवत्तायुक्तेन जस्ता-धातुना निर्मितम् अस्ति, यः उदयपुरस्थितायाः ऐतिहासिकायाः जावर-खन्याः प्राप्तः अस्ति। जावर-खनिः विश्वस्य प्राचीनतमासु जस्ता-खननक्षेत्रेषु अन्यतमा अस्ति। पदकस्य निर्माणं वेदान्त-समूहस्य कम्पनी हिन्दुस्तान-जिंक् लिमिटेड् इत्यनया कृतम् अस्ति।

स्वस्य नवीनमनोज्ञेन च विन्यासेन २०२६ तमस्य वर्षस्य समापयितृपदकं समापनरेखां पारयितुं सफलस्य प्रत्येकस्य धावकस्य उपलब्धेः उत्सवं करोति। एतत् केवलं दौडदिने प्राप्यमाणा स्मृतिः नास्ति, अपितु प्रत्येकस्य प्रतिभागिनः परिश्रमस्य, दृढसङ्कल्पस्य, व्यक्तिगतविजयस्य च प्रतीकम् अस्ति, यत् समापनरेखां प्राप्तुं सार्थकं करोति।

पदकस्य अनावरणं तस्मिन् समये अभवत्, यदा अस्य दौडस्य विषये दिल्लीवासिभ्यः अभूतपूर्वः उत्साहः प्राप्यते। अर्धमैराथनस्य कृते पञ्जीकरणं केवलं शतघण्टासु समाप्तम् अभवत्, यत् आयोजनस्य इतिहासे सर्वाधिकशीघ्रं पञ्जीकरणसमापनम् अस्ति। द ग्रेट दिल्ली रन, चेम्पियन्स् विद् डिसेबिलिटी तथा वरिष्ठनागरिकाणां दौड इत्येताभ्यः अपि अत्यन्तं उत्साहपूर्णा प्रतिक्रिया प्राप्ता अस्ति तथा एतेषां पञ्जीकरणानि शीघ्रं पूर्णानि भवन्ति।

एतत् दिल्लीमध्ये स्वास्थ्यसामर्थ्यस्य धावनस्य च प्रति वर्धमानं जनानाम् उत्साहं दर्शयति। सहैव एतदपि सूचयति यत् वेदान्त-दिल्ली-अर्धमैराथनः कथं तादृशे उत्सवे परिणतः अस्ति, यः गतिना, सहभागितया, उद्देश्येन च सम्पूर्णं नगरम् एकत्र संयोजयति।

श्रीपद शेंडे, मुख्यविपणनाधिकारी, आईडीएफसी फर्स्ट बैंक् इत्यनेन उक्तम्, “प्रत्येकस्य धावकस्य कृते समापयितृपदकं तस्य सशक्तं स्मरणं करोति यत् महती उपलब्धयः निरन्तरता, अनुशासनं दृढता च इत्येताभिः प्राप्तुं शक्यन्ते। अर्धमैराथन इव वित्तीयसमृद्धेः यात्रापि एकैकं पदम् अग्रे गच्छन्ती निर्धार्यते—स्पष्टैः लक्ष्यैः निरन्तरम् अग्रे गमनस्य सङ्कल्पेन च। गतवर्षेषु वेदान्त-दिल्ली-अर्धमैराथनः केवलं दौडरूपेण न अवशिष्टः, अपितु स्वास्थ्यसामर्थ्यस्य, दृढतायाः, सामूहिकसमृद्धेः च उत्सवं कुर्वन् आन्दोलनरूपेण परिणतः अस्ति। आईडीएफसी फर्स्ट बैंक् मध्ये अस्माकं ग्राहककेन्द्रितः दृष्टिकोणः दीर्घकालिकप्रगतिं समर्थयितुम् आधारितः अस्ति तथा अस्माभिः गौरवं अनुभूयते यत् वयं तादृशस्य आयोजनस्य समर्थनं कुर्मः, यत् जनान् स्वयम् आव्हानं स्वीकर्तुं स्वस्थस्य सुदृढस्य च भारतस्य निर्माणाय प्रेरयति।”

---------------

Hindusthan Samachar / Dheeraj Maithani