Enter your Email Address to subscribe to our newsletters
देहरादूनम्, १६ सेप्टेम्बरमासः (हि.स.)। उत्तराखण्डस्य मुख्यमन्त्री पुष्करसिंहधामी बुधवासरे स्वजन्मदिवसावसरे प्रधान-मन्त्रिणा नरेन्द्रमोदिना सह केन्द्र-सर्वकारस्य अनेकेषां मन्त्रिणां, विभिन्नराज्यानां मुख्यमन्त्रिणां तथा अन्येषां नेतॄणां शुभकामनाः प्राप्तवान्। मुख्यमन्त्रिणः जन्मदिवसावसरे सम्पूर्ण-प्रदेशे भाजपाकार्यकर्तृभिः समर्थकैश्च विभिन्नाः कार्यक्रमाः आयोज्यन्ते। भाजपाद्वारा मुख्यमन्त्रिणः जन्मदिवसः युवसङ्कल्पदिवसरूपेण आचर्यते।
प्रधानमन्त्री नरेन्द्रमोदी सामाजिक-माध्यममञ्चे ‘एक्स’ इत्यत्र मुख्यमन्त्रिणं धामिनं जन्मदिवसस्य शुभकामनाः प्रदाय तस्य उत्तमस्वास्थ्यस्य दीर्घायुष्यस्य च कामनां कृतवान्। प्रधानमन्त्रिणा उक्तं यत् धामी उत्तराखण्डस्य प्रगत्यै निरन्तरं प्रयत्नशीलः अस्ति। राज्यस्य विकासाय जनसेवायै च मुख्यमन्त्रिणः प्रयत्नानाम् उल्लेखं कुर्वन् प्रधानमन्त्रिणा तस्मै जन्मदिवसस्य शुभकामनाः प्रदत्ताः।
केन्द्रीयगृहमन्त्री अमितशाहः अपि मुख्यमन्त्रिणं धामिनं जन्मदिवसस्य शुभकामनाः प्रदत्तवान्। सः धामिनः स्वस्थस्य दीर्घायुषः च जीवनस्य कामनां कुर्वन् उत्तराखण्डस्य विकासाय तेन क्रियमाणानां प्रयत्नानाम् उल्लेखं कृतवान्।
रक्षामन्त्री राजनाथसिंहः मुख्यमन्त्रिणं धामिनं जन्मदिवसस्य शुभकामनाः प्रदाय तस्य स्वस्थस्य सुखमयस्य च जीवनस्य कामनां कृतवान्। केन्द्रीयसडकपरिवहन-राजमार्गमन्त्री नितिनगडकरी अपि मुख्यमन्त्रिणे शुभकामनाः प्रदाय तस्य स्वस्थस्य दीर्घायुषः च जीवनस्य कामनां कृतवान्।
उत्तरप्रदेशस्य मुख्यमन्त्री योगी आदित्यनाथः अपि सामाजिक-माध्यमस्य माध्यमेन मुख्यमन्त्रिणं धामिनं जन्मदिवसस्य शुभकामनाः प्रदत्तवान्। एतदतिरिक्तं केन्द्रस्य विभिन्नराज्यानां च अन्यैः नेतृभिः, जनप्रतिनिधिभिः, भाजपा-पदाधिकारिभिः कार्यकर्तृभिश्च अपि धामिने जन्मदिवसस्य शुभकामनाः प्रदत्ताः। प्रदेशस्य भाजपाकार्यकर्तृभिः समर्थकैः विधायकैश्च सामाजिक-माध्यमानां माध्यमेन मुख्यमन्त्रिणे शुभकामनाः प्रदत्ताः, प्रत्यक्षं मिलित्वा च अभिनन्दनं कृतम्।
प्रधानमन्त्रिणा मोदिना सह वरिष्ठनेतृभ्यः प्राप्ताभिः शुभकामनाभिः मुख्यमन्त्री पुष्करसिंहधामी सर्वेषां प्रति कृतज्ञतां प्रकटितवान्। सः उक्तवान् यत् शुभकामनाः आशीर्वादाश्च तस्मै प्रदेशस्य सेवायै अधिकाम् ऊर्जां प्रेरणां च प्रददति। मुख्यमन्त्रिणा जन्मदिवसावसरे शुभ-कामनाः प्रदत्तवद्भ्यः सर्वेभ्यः अपि कृतज्ञता प्रकटिता।
मुख्यमन्त्रिणः जन्मदिवसावसरे प्रदेशस्य विभिन्नेषु जनपदेषु भाजपाकार्यकर्तृभिः कार्यक्रमाः आयोज्यन्ते। पार्टीकार्यकर्तृभिः कुत्रचित् सेवाकार्याणि, कुत्रचित् रक्तदानकार्यक्रमाः, पौधरोपणकार्यक्रमाः, अन्ये च जनहितसम्बद्धाः कार्यक्रमाः आयोजिताः। विभिन्नेषु स्थानेषु कार्यकर्तारः समर्थकाश्च मुख्यमन्त्रिणः दीर्घायुष्यस्य कामनां कृतवन्तः।
देहरादूनम् सहितं प्रदेशस्य अन्येषु भागेष्वपि मुख्यमन्त्रिणः जन्मदिवसावसरे कार्यकर्तृषु उत्साहः दृश्यते। पार्टी-कार्यकर्तारः समर्थकाश्च सामाजिक-माध्यममञ्चेषु मुख्यमन्त्रिणं जन्म-दिवसस्य शुभकामनाः प्रदाय तस्य सार्वजनिकजीवनाय शुभेच्छाः प्रेषितवन्तः। मुख्यमन्त्रिणः जन्मदिवसावसरे शुभ-कामनासन्देशानां क्रमः निरन्तरं प्रवर्तते।
Hindusthan Samachar / Divya Ranjan