Enter your Email Address to subscribe to our newsletters
मन्त्रिगणाः, जनप्रतिनिधयः, अधिकारिकर्मचारिणः विभिन्नवर्गीयजनाश्च जन्मदिवसस्य शुभकामनाः अर्पितवन्तः
देहरादूनम्, १६ सितम्बरमासः (हि.स.)। मुख्यमन्त्रिणः पुष्करसिंहधामिनः जन्मदिवसस्य अवसरे बुधवासरे मुख्यमन्त्रिणः आवासे दिवसभरं आत्मीयतायाः उत्साहस्य च वातावरणम् आसीत्। मुख्यमन्त्रिणे जन्मदिवसस्य अभिनन्दनं शुभकामनाश्च प्रदातुं प्रदेशसर्वकारस्य मन्त्रिगणाः, जनप्रतिनिधयः, शासनप्रशासनस्य वरिष्ठाधिकारिणः, अधिकारिकर्मचारिणः विभिन्नवर्गीयजनाश्च मुख्यमन्त्रिणः आवासं प्राप्तवन्तः। सर्वे मुख्यमन्त्रिणा सह मिलित्वा तस्य स्वस्थं सुखमयं दीर्घायुष्यमयं च जीवनं कामितवन्तः।
मुख्यमन्त्रिणः आवासे प्रातःकालादेव शुभकामनाप्रदातॄणां क्रमः प्रारब्धः, यः दिवसभरं प्रचलितः। मन्त्रिगणाः, जनप्रतिनिधयः, शासनप्रशासनस्य अधिकारिणः कर्मचारिणश्च मुख्यमन्त्रिणे पुष्पगुच्छं समर्प्य जन्मदिवसस्य शुभकामनाः अर्पितवन्तः। अस्मिन् अवसरे मुख्यमन्त्रिणः आवासम् आगच्छत्सु जनषु मुख्यमन्त्रिणे शुभकामनाः प्रदातुं विशेषः उत्साहः दृश्यते स्म।
मुख्यमन्त्री धामी सर्वेषां प्रति आत्मीयतया कृतज्ञतां प्रकटितवान्। सः अवदत् यत् सहकर्मिणां, जनप्रतिनिधीनां, अधिकारिणां कर्मचारिणां च स्नेहः शुभकामनाश्च तस्य कृते विशेषमहत्त्वं वहन्ति। सः अवदत् यत् उत्तराखण्डस्य सेवायाः दायित्वं सामूहिकदायित्वम् अस्ति। राज्यस्य विकासस्य जनकल्याणस्य च लक्ष्याणां प्राप्तये सर्वकारस्य, जनप्रतिनिधीनां, शासनप्रशासनस्य च मध्ये उत्तमसमन्वयेन दलभावनया च कार्यं करणम् आवश्यकम् अस्ति।
मुख्यमन्त्री अवदत् यत् उत्तराखण्डस्य जनानां प्रदेशस्य प्रत्येकस्य नागरिकस्य च सेवा तस्य सर्वोच्चप्राथमिकता अस्ति। राज्यसर्वकारः प्रधानमन्त्रिणः नरेन्द्रमोदिनः मार्गदर्शने उत्तराखण्डस्य समग्रविकासाय निरन्तरं कार्यं करोति। सः अवदत् यत् विकसितउत्तराखण्डस्य लक्ष्यं प्राप्तुं सर्वैः स्वस्वदायित्वानां प्रभाविरूपेण निर्वहनं कुर्वद्भिः परस्परं मिलित्वा कार्यं करणीयम्।
मुख्यमन्त्रिणा सह दीर्घकालात् कार्यं कुर्वन्तः मन्त्रिगणाः, जनप्रतिनिधयः, अधिकारिणः कर्मचारिणश्च तस्मै जन्मदिवसस्य शुभकामनाः प्रदातुं मुख्यमन्त्रिणः आवासं प्राप्तवन्तः। अस्मिन् अवसरे मुख्यमन्त्री सर्वैः सह आत्मीयतया मिलित्वा शुभकामनानां कृते तेषां कृतज्ञतां प्रकटितवान्।
मुख्यमन्त्रिणः आवासे दिवसभरं प्रचलिते अस्मिन् क्रमे मुख्यसचिवः आनन्दबर्द्धनः, पुलिसमहानिदेशकः दीपम्सेठः, अपरसचिवः वंशीधरतीवारी इत्यादयः शासनप्रशासनस्य वरिष्ठाधिकारिणः कर्मचारिणश्च उपस्थिताः आसन्। विभिन्नक्षेत्रेभ्यः आगताः जनाः अपि मुख्यमन्त्रिणे जन्मदिवसस्य शुभकामनाः अर्पितवन्तः तथा तस्य स्वस्थं दीर्घायुष्यमयं च जीवनं कामितवन्तः।
मुख्यमन्त्रिणः पुष्करसिंहधामिनः जन्मदिवसस्य अवसरे आयोजितानां विभिन्नकार्यक्रमाणां तैः सम्बद्धानां विशेषक्षणानां च चित्राणि सामान्यजनानाम् अपि उपलब्धानि कृतानि सन्ति। एतदर्थं क्यूआर-सङ्केतः प्रकाशितः अस्ति।
सामान्यजनाः चलदूरभाषस्य चित्रग्राहकस्य अथवा क्यूआर-सङ्केतपाठकस्य साहाय्येन अस्य क्यूआर-सङ्केतस्य पठनं कृत्वा मुख्यमन्त्रिणः जन्मदिवससम्बद्धां चित्रदीर्घिकां प्राप्तुं शक्नुवन्ति। चित्रदीर्घिकायां जन्मदिवसस्य अवसरे आयोजितानां विभिन्नकार्यक्रमाणां चित्राणि उपलब्धानि सन्ति। जनाः स्वेच्छानुसारं चित्राणि द्रष्टुं तानि अवतरणं कर्तुं च शक्नुवन्ति।
जन्मदिवसस्य अवसरे प्रदेशस्य विभिन्नक्षेत्रेभ्यः बहुसंख्याकाः जनाः मुख्यमन्त्रिणे शुभकामनाः अर्पितवन्तः तथा विभिन्नकार्यक्रमेषु सहभागितां कृतवन्तः। क्यूआर-सङ्केतस्य माध्यमेन एतेषां कार्यक्रमाणाम् अवसरानां च सम्बद्धानि चित्राणि सामान्यजनानां कृते सुलभतया उपलब्धानि कर्तुं व्यवस्था कृता अस्ति।
Hindusthan Samachar / Dheeraj Maithani