महापौरः जनपदपञ्चायताध्यक्षया नगरा-युक्तेन च सह अभियानस्य नेतृत्वं कृतवान्

अयोध्या, १७ सेप्टेम्बरमासः (हि.स.)। प्रधानमन्त्रिणः नरेन्द्रमोदिनः जन्म-दिवसस्य अवसरे नगरनिगमस्य पक्षतः ‘सेवासङ्कल्पाभियानस्य’ अन्तर्गतं मासपर्यन्तं चलिष्यमाणस्य विशेष-स्वच्छताभियानस्य शुभारम्भः गुरुवासरे लताचतुष्पथतः कृतः। महापौरः महन्तः गिरीशपतित्रिपाठी जनपद-पञ्चायता-ध्यक्षया रोलिसिंह: इत्यनया नगरायुक्तेन जयेंद्रकुमारेण च सह अभियानस्य नेतृत्वं कुर्वन् स्वच्छताकार्यस्य शुभारम्भं कृतवान्।

अभियानस्य अन्तर्गतं नगरनिगमक्षेत्रस्य प्रायः सर्वेषु वार्ड इत्येतेषु पार्षदानां नेतृत्वे विशेषस्वच्छताभियानं सञ्चालितम्। लताचतुष्पथतः रानी हो-स्मारकपर्यन्तं विशेषस्वच्छतां कारयित्वा क्षेत्रं स्वच्छं कृतम्। स्वच्छताकर्मिभिः मार्गात्, पादपथात्, समीपस्थेभ्यः क्षेत्रेभ्यश्च कर्कटं निष्कासितम्।

अस्मिन् अवसरे महापौरः महन्तः गिरीशपतित्रिपाठी अवदत् यत् सेवासङ्कल्पाभियानस्य उद्देश्यं केवलं नगरं स्वच्छं कर्तुम् न, अपितु स्वच्छस्य विकसितस्य च भारतस्य निर्माणे नागरिकाणां सहभागितां सुनिश्चितुम् अपि अस्ति। सः अवदत् यत् स्वच्छतायाः विषये जनान् जागरूकान् कर्तुं सह नियमितस्वच्छताव्यवस्थाम् अधिकं प्रभावशालिनीं करिष्यते।

तेन उक्तं यत् लताचतुष्पथे प्रधानमन्त्रिणः नरेन्द्रमोदिनः कृते आशीर्वादस्वरूपं दीपं प्रज्वालयिष्यते। अभियानस्य समये जनप्रतिनिधिभिः नगरनिगमस्य अधिकारिभिश्च जनान् स्वच्छतां संरक्षितुं निर्धारितस्थाने एव कूटकं क्षेप्तुं च आह्वानं कृतम्।

अभियाने अपरनगरायुक्तः भारतभार्गवः, भाजपायाः महानगरमहामन्त्री परमानन्द-मिश्रः, मण्डलाध्यक्षः मुकेशतिवारी, डॉ. जयगुरुदेवशुक्लः, डॉ. आदित्यप्रकाशसिंहः, सुबोधचतुर्वेदी, राधारमणत्रिपाठी, अखिलेशपाण्डेयः, केहरसिंहः, अजय-आजादः, भवानीशङ्कर-त्रिपाठी, रघुनाथ-यादवः, इन्द्रप्रीतकौरः, प्रमोदमिश्रः, अभययादवः, रामनरेशगुप्तः, कामेश्वर-श्रीवास्तवः, रोहितशर्मा, विनोदपाठकः, श्रीनिवासशास्त्री इत्येतै: च सह नगरनिगमस्य अधिकारिणः, कर्मचारिणः अन्ये च जनाः सम्मिलिताः।

प्रभारीमन्त्रिणः सूर्यप्रतापशाहस्य नेतृत्वे एतत् कार्यक्रमं पूर्णमासं यावत् चलिष्यति। गुरुवासरे सम्पूर्णे जनपदे विभिन्नेषु स्थानेषु भाजपाकार्यकर्तारः सेवासङ्कल्प-मासस्य कार्यक्रमान् आयोजयन्ति।

प्राचीनस्य पाटेश्वरदेवीमन्दिरस्य परिसरे विधायकः वेदप्रकाशगुप्तः स्वच्छताभियानं सञ्चालितवान्। तेन सह भाजपायाः पदाधिकारिणः कार्यकर्तारश्च स्वच्छता-भियाने सम्मिलिताः।

सः अवदत् यत् अद्यतनं दिनं भारतवासिनां कृते सौभाग्यस्य दिनम् अस्ति। प्रधानमन्त्रिणः नरेन्द्रमोदिनः जन्मदिवसेन सह अद्य विश्वकर्माजयन्ती अपि आचर्यते।

विधायकेन प्रधानमन्त्रिणः मोदिनः मुख्यमन्त्रिपदात् प्रधानमन्त्रिपदपर्यन्तं पञ्चविंशतिवर्षीयस्य सार्वजनिकजीवनस्य उल्लेखः कृतः। वेदप्रकाशगुप्तः अवदत् यत् जनकल्याणं, दरिद्रकल्याणं सुशासनं च प्राथमिकतां प्राप्तवन्तः।

सेवासङ्कल्पमासे स्वच्छता-वृक्षारोपण-जनकल्याणसम्बद्धाः कार्यक्रमाः आयोजिताः भविष्यन्ति। अद्य सायंकाले प्रधानमन्त्रिणः दीर्घायुषः यशसश्च कामनया गृहे गृहे दीपप्रज्वालनस्य कार्यक्रमः भविष्यति।

Hindusthan Samachar / Divya Ranjan