उज्जयिनी, १७ सेप्टेम्बरमासः (हि.स.)। मध्यप्रदेशस्य उज्जयिनीनगरे स्थिते विश्वप्रसिद्धे श्रीमहाकालेश्वरमन्दिरे गुरुवासरे प्रातः भाद्रपदशुक्लषष्ठ्यां बाबा-महाकालस्य भस्मारार्तिकी विधिविधान-पूर्वकं विशेषशृङ्गारेण च सम्पन्ना। प्रातः प्रायः ४ वादने मन्दिरस्य कपाटोद्घाट-नानन्तरं पण्डितैः पुरोहितैश्च गर्भगृहे प्रतिष्ठितानां देवीदेवानां पूजनं कृतम्। ततः भगवतः महाकालस्य जलाभिषेकं कृत्वा पञ्चामृतेन अभिषेकपूजनं च सम्पन्नम्।

भस्मारार्तिक्याः आरम्भे प्रथमघण्टाल-वादनेन भगवते महाकालाय हरिओम-जलम् अर्पितम्। मन्त्रपाठस्य मध्ये पूजनानन्तरं कर्पूरारार्तिकी कृता। ततः ज्योतिर्लिङ्गं वस्त्रेण आच्छाद्य भस्म समर्पितम्। महानिर्वाणी-अखाडापक्षतः बाबा महाकालाय भस्म अर्पितम्।

रजतमुकुटेन मुण्डमालया च अलङ्करणम्

भस्मसमर्पणानन्तरं बाबामहाकालस्य विशेषं राजस्वरूपं शृङ्गारं कृतम्। भगवतः मस्तके रजतचन्द्रः, त्रिपुण्ड्रं रजतमुकुटश्च शोभिताः। भाङ्गेन, चन्दनेन, शुष्कफलैः, आभरणैः सुगन्धितपुष्पैश्च भगवतः मनोहरतया अलङ्कृतः। शृङ्गारे शेषनागस्य रजतमुकुटं, रजतमुण्डमाला, रुद्राक्षमाला तथा विविधप्रकारकाणां सुगन्धितपुष्पाणां मालाः समर्पिताः। शृङ्गारस्य समाप्तेः अनन्तरं भगवते महाकालाय फलानि मिष्टान्नानि च नैवेद्यरूपेण समर्पितानि।

जयघोषैः मन्दिरपरिसरः भक्तिमयः

भस्मारार्तिक्यां बहुसंख्यकाः श्रद्धालवः सम्मिलिताः। भक्तैः बाबामहाकालस्य दर्शनं कृत्वा आशीर्वादः प्राप्तः। आरार्तिक्याः समये श्रद्धालवः निरन्तरं बाबामहाकालस्य जयघोषान् कृतवन्तः, येन सम्पूर्णः मन्दिरपरिसरः भक्तिमयः अभवत्। श्रद्धालुभिः नन्दीमहाराजस्य दर्शनमपि कृतम् तथा तस्य कर्णस्य समीपे स्वमनोकामनां निवेद्य आशीर्वादः प्रार्थितः।

धार्मिकमान्यतानुसारं भस्मसमर्पणानन्तरं भगवान् महाकालः निराकारस्वरूपात् साकारस्वरूपं प्राप्य भक्तेभ्यः दर्शनं ददाति। अस्याः परम्परायाः अनुसारेण भस्मा-रार्तिक्याः अनन्तरं बाबामहाकालस्य विशेषशृङ्गारः कृतः।

––––––––––––––––––––––––––––––––––––––––––––

Hindusthan Samachar / Divya Ranjan