भुवनेश्वरम्, 17 सितंबरमासः (हि.स.)।

प्रधानमन्त्रिणः नरेन्द्रमोदिनः षट्सप्ततितमस्य जन्मदिवसस्य अवसरे ओडिशाप्रदेशस्य मुख्यमन्त्री मोहनचरणमाझी प्रदेशवासिनां पक्षतः तस्मै हार्दिकाः शुभकामनाः अर्पितवान्। मुख्यमन्त्रिणा सामाजिकसञ्चारमाध्यमे ‘एक्स’ इत्यत्र सन्देशं प्रकाशित्य प्रधानमन्त्रिणः दीर्घायुषः, उत्तमस्वास्थ्यस्य निरन्तरमार्गदर्शनस्य च कामना कृता।

मुख्यमन्त्री माझी स्वकीयसन्देशे प्रधानमन्त्रिणः नरेन्द्रमोदिनं ‘विकसितभारतस्य’ स्वप्नद्रष्टारं, राष्ट्रियस्वाभिमानस्य जनसेवायाश्च प्रतीकरूपेण वर्णितवान्। तेन उक्तं यत् प्रधानमन्त्रिणः दूरदर्शिनः नेतृत्वेन देशे नवजागरणस्य नूतनः अध्यायः रचितः अस्ति।

मुख्यमन्त्रिणा ओडिशाप्रदेशस्य ओडिशावासिनां च प्रति प्रधानमन्त्रिणः स्नेहाय राज्यस्य आधारभूतसंरचनायाः विकासे तेन प्रदत्तस्य सहकारस्य च कृते कृतज्ञता प्रकटिता। तेन उक्तं यत् प्रधानमन्त्रिणः जनकल्याणकारीभिः आदर्शैः प्रेरितः सन् ओडिशाप्रदेशे ‘सेवासंकल्पपर्व’ आचर्यते।

माझिना उक्तं यत् समर्पितजनसेवायाः, निर्धनकल्याणस्य समाजस्य अन्तिमपङ्क्तौ स्थितस्य प्रत्येकस्य जनस्य जीवने सुखसमृद्धिं आनेतुं संकल्पस्य च सह समृद्धस्य, सशक्तस्य विकसितस्य च ओडिशाप्रदेशस्य निर्माणाय प्रदेशसर्वकारः पुनः प्रतिबद्धः अस्ति।

मुख्यमन्त्रिणा भगवतः श्रीजगन्नाथात् प्रधानमन्त्रिणः नरेन्द्रमोदिनः दीर्घस्वस्थजीवनस्य उत्तमस्वास्थ्यस्य च कामना कृता। तेन उक्तं यत् प्रधानमन्त्रिणः दीर्घा साधनापूर्णा च जीवनयात्रा देशाय निरन्तरं नूतनां दिशं प्रददातु।

मुख्यमन्त्रिणा प्रधानमन्त्रिणः नरेन्द्रमोदिनः नेतृत्वे ‘विकसितभारतस्य’ लक्ष्यप्राप्तेः कामना कुर्वता उक्तं यत् भारतं निरन्तरं प्रगतेः पथि अग्रे गच्छतु।

---------------

Hindusthan Samachar / Dheeraj Maithani