उज्जयिनी, १७ सेप्टेम्बरमासः (हि.स.)। राष्ट्रियस्वयंसेवकसङ्घस्य सरसङ्घ-चालकः डॉ. मोहनभागवतः गुरुवासरे मध्यप्रदेशस्य द्विदिवसीय-प्रवासार्थम् उज्जयिनीं प्राप्तवान्। सः अत्र सङ्घस्य सङ्गठनात्मकासु सभासु सार्वजनिक-कार्यक्रमेषु च भागं गृहीत्वा मार्गदर्शनं करिष्यति। अस्य अतिरिक्तं सः शुक्रवासरे गीताभवने आयोजितस्य ‘युवा-धर्मसंसद्-२०२६’ इत्यस्य उद्घाटनसत्रे मुख्यातिथिरूपेण भागं गृह्णीयात्।

सरसङ्घचालकः डॉ. भागवतः अद्य अपराह्णे इन्दौरम् प्राप्तवान्, यत्र सङ्घस्य पदाधिकारिभिः तस्य भव्यं स्वागतं कृतम्। ततः सः मार्गेण सायंकाले उज्जयिनीम् आगतवान्। सः शुक्रवासरस्य अपराह्णपर्यन्तम् उज्जयिन्यां स्थास्यति। अस्मिन् काले सः अरविन्दनगरे स्थिते महाकालपरिसरे स्वयंसेवकानां विशेषसभायां भागं गृह्णीयात्। अस्यां सभायां सम्पूर्णजनपदात् प्रायः ६०० अपेक्षिताः स्वयंसेवकाः भागं ग्रहीष्यन्ति इति सूचना अस्ति। सभायां डॉ. भागवतः प्रायः सार्धैकहोरां यावत् स्वयंसेवकान् सम्बोधयिष्यति।

उज्जयिन्याः माधवविज्ञानमहा-विद्यालयस्थिते गीताभवनपरिसरे सेवाज्ञ-संस्थानम् इत्यस्य तत्वावधाने आयोजितायाः त्रिदिवसीय-राष्ट्रिययुवा-धर्मसंसदः २०२६ इत्यस्य गुरुवासरे पुस्तक-मेलापकस्य प्रदर्शिन्याश्च आयोजनैः आरम्भः अभवत्। शुक्रवासरे विधिवत् उद्घाटनानन्तरं विविधेषु सत्रेषु प्रख्याताः चिन्तकाः, विद्वांसः विशेषज्ञाश्च युवभिः सह संवादं करिष्यन्ति।

राष्ट्रियस्वयंसेवकसङ्घस्य सरसङ्घ-चालकः डॉ. भागवतः उद्घाटनसत्रे भागं गृह्णीयात् तथा देशस्य विभिन्नभागेभ्यः समागतान् युवानः चरित्रनिर्माणाय राष्ट्रसेवायै च प्रेरयिष्यति। आयोजने २४ राज्येभ्यः केन्द्रशासित-प्रदेशेभ्यश्च १६०० अधिकाः युवानः भागं गृह्णन्ति। कार्यक्रमानन्तरं डॉ. भागवतः अपराह्णे उज्जयिनीतः प्रस्थास्यति। तस्य प्रवासं दृष्ट्वा स्थानीयप्रशासनेन सङ्घस्य पदाधिकारिभिः स्वयंसेवकैश्च सुरक्षासहिताः अन्याः व्यवस्थाः कृताः।

उज्जयिन्यां आयोजितायां राष्ट्रिययुवा-धर्मसंसद्-२०२६ इत्यस्यां देशस्य विभिन्नभागेभ्यः समागतानां १६०० अधिकानां युवप्रतिनिधीनाम् आयोजने उत्साहः दृश्यते। संवादस्य विचारविमर्शस्य च अस्मिन् मञ्चे युवभिः स्वविचाराः प्रस्तुताः। अशोकनगरस्य पलकसोनी अवदत् यत् स्वामीविवेकानन्दस्य शिकागोनगरे कृतस्य सम्बोधनस्य स्मृतौ आयोज्यमाना इयं संसद् तस्यै केवलं भाषणश्रवणस्य मञ्चः न, अपि तु स्वस्य सांस्कृतिकदायित्वं ज्ञातुम् अवसरः अस्ति। सा अवदत् यत् अद्यतनः युवा अवसरान् अन्वेष्टुं सह स्वक्षमताभिः नूतनानाम् अवसराणां सृजनमपि करोति।

कार्यक्रमस्य प्रमुखेषु आकर्षणेषु राष्ट्रियचित्रकलाकार्यशाला प्रदर्शनी च स्तः। अस्यां देशस्य २४ राज्येभ्यः केन्द्रशासितप्रदेशेभ्यश्च समागताः वरिष्ठाः युवा-कलाकाराश्च सनातनसंस्कृतेः सम्बद्धान् विषयान् पटे चित्ररूपेण प्रस्तुतयन्ति। सेवाज्ञसंस्थानम् इत्यस्य तत्वावधाने आयोजितायां कार्यशालायां वाराणसी, दिल्ली, गाजियाबाद, सागर, जयपुर, प्रयागराज, अशोकनगर इत्यादिभ्यः विभिन्नप्रदेशेभ्यः समागताः कलाकाराः ‘भारतभावना’ इति विषया-धारेण कलाकृतीः निर्मान्ति।

युवा-धर्मसंसदि भागं ग्रहीतुं वाराणसीतः एकाकिनी उज्जयिनीं प्राप्तवती षष्टिवर्षीया वरिष्ठचित्रकारा पद्मिनी जसवन्तमेहता अवदत् यत् चित्रनिर्माणं सृजनं च तस्याः जीवनस्य लक्ष्यं वर्तते। सा स्वस्य कलायात्रायाः अनुभवम् युववंशेन सह विभाजयितुम् इच्छति। राजस्थानस्य जयपुरतः समागतः शङ्करसिंहराजावतः शिवस्य हनुमतः च एकीभूतं रुद्ररूपं चित्रितवान्। उज्जयिन्याः चित्रकारा सुमनडोगरे हनुमतः तेजोमयं रूपं पटे चित्रितवती। वाराणसीतः आगता आरतीचौरसिया महाकविकालिदासस्य अमरकृतिम् ‘मेघदूतम्’ आधृत्य चित्रं निर्मितवती।

वाराणसीतः समागतः आर्यनकुमारः सन्तकबीरस्य गोस्वामितुलसीदासस्य च व्यक्तित्वं वर्णैः चित्रितुं दृश्यते। एतेभ्यः अतिरिक्तम् अमनकुशवाहः (प्रयागराजः), रामनयनः (वाराणसी), पलकसोनी (अशोकनगरम्), जतिनजाटवः (सागरः) रत्नाशिवप्रिया च भारतीयमूल्यानि संस्कृतिं च स्वचित्रकलामाध्यमेन अभिव्यक्तवन्तः।

प्रयागराजस्य अमनकुशवाहः अवदत् यत् २४ राज्येभ्यः समागतैः युवभिः कलाकारैश्च मिलित्वा एतादृशः अनुभवः भवति यथा सम्पूर्णं भारतम् अवन्तिकायाः पावनधरण्यां सङ्कुचितमिव अस्ति। तस्य मतानुसारं ऋषिकृषिसंस्कृतिः सनातन-चेतना च भारतस्य परिचयस्य महत्त्वपूर्णः भागः स्तः।

आयोजकानाम् अनुसारं २०१८-१९ तमे वर्षे आरब्धायाः अस्याः यात्रायाः आयोजनं काश्यां (२०१९), अयोध्यायाम् (२०२२), मथुरायाम् (२०२३), हरिद्वारे (२०२४) काञ्चीपुरे (२०२५) च अभवत्। अधुना अस्याः यात्रायाः षष्ठं सोपानम् उज्जयिन्याम् अस्ति। आयोजकैः उक्तं यत् अस्याः शृङ्खलायाः अग्रिमं संस्करणं द्वारकायाम् आयोजयिष्यते, यस्यार्थं पञ्जीकरणं २०२७ तमस्य वर्षस्य जुलाईमासात् आरप्स्यते। १९ सेप्टेम्बरमासे मध्यप्रदेशस्य मुख्यमन्त्रिणः डॉ. मोहनयादवस्य मुख्यातिथ्ये कार्यक्रमस्य समापनं भविष्यति।

अस्मिन् आयोजने स्वामी अवधेशानन्द,-गिरिमहाराजः, आचार्यः मिथिलेश-नन्दिनीशरणः, मनोजमुन्तशिरः, प्रो. श्रीनिवासवरखेडी तथा प्रो. हिमांशुरायः (आईआईएम् इन्दौरम्) इत्यादयः अनेके प्रमुखाः व्यक्तयः युवभिः सह संवादं करिष्यन्ति।

Hindusthan Samachar / Divya Ranjan