सृष्टेः शिल्पी भगवान् विश्वकर्मा, नवभारतस्य शिल्पी च प्रधानमन्त्रिणः मोदी : मुख्यमन्त्री योगी

गोरखपुरम्, १७ सितम्बरमासः (हि. स.)। भगवान् विश्वकर्मणः पावनजयन्त्याः अवसरे शिल्पकारेभ्यः कारीगरभ्यः समस्तप्रदेशवासिभ्यश्च शुभकामनाः प्रदाय मुख्यमन्त्री योगी आदित्यनाथः उक्तवान् यत् यः देशः शिल्पकारान् कारीगरांश्च सम्मानयति, स एव देशः प्रगतिं करोति। प्रधानमन्त्रिणा नरेन्द्रमोदिना एतामेव भावनां स्वीकृत्य ‘पीएम विश्वकर्मा श्रमसम्मानयोजना’ इति मञ्चः प्रदत्तः। तेन शिल्पं कारीगरीं च आधुनिकप्रौद्योगिक्या नूतनविपणिना च संयोज्य शिल्पकारान् कारीगरांश्च समृद्धेः मार्गे अग्रे नीतम् अस्ति।

मुख्यमन्त्री योगी गोरखपुरे गुरुवासरे प्रातः जटाशङ्करस्थिते श्रीविश्वकर्मापञ्चायतमन्दिरे आयोजितं श्रीविश्वकर्मापूजनोत्सवकार्यक्रमं सम्बोधयन् एतद् उक्तवान्। मन्दिरे भगवान् विश्वकर्मणः विधिविधानपूर्वकं पूजामर्चनां कृत्वा मुख्यमन्त्री उक्तवान् यत् राजमिस्त्रीणां, काष्ठकाराणां, मिष्टान्नकाराणां, सुवर्णकाराणां कार्यं कुर्वतां जनानां सहितं कारीगरीसम्बद्धानां विविधव्यवसायानां जनानां कृते तेषां शिल्पकौशलमेव स्वावलम्बनस्य आधारः आसीत्। किन्तु स्वातन्त्र्यप्राप्तेः अनन्तरं दशकेषु एतत् कौशलं शिल्पकारीगरी च उपेक्षायाः शिकारम् अभवत्। प्रधानमन्त्रिणः मोदिनः मार्गदर्शने प्रथमवारं द्वयभियानशासनव्यवस्थया शिल्पकाराः कारीगराश्च प्रशिक्षणेन, उपकरणसमुच्चयेन, वृत्तेः विविधावसरैश्च संयोज्य प्रगतेः मार्गे नीताः सन्ति। द्वयभियानशासनस्य प्रोत्साहनेन उत्तरप्रदेशे अधुना त्रिकोट्यधिकाः जनाः कारीगरीशिल्पयोः सम्बद्धाः भूत्वा वृत्तेः स्वावलम्बनस्य च मार्गे सफलतया अग्रे वर्धन्ते।

मुख्यमन्त्री योगी उक्तवान् यत् अद्यतनं दिनम् अत्यन्तं पवित्रम् अस्ति। अद्य सृष्टेः शिल्पिनः भगवान् विश्वकर्मणः जयन्ती अस्ति, तेन सह अद्य नवभारतस्य शिल्पिनः प्रधानमन्त्रिणः नरेन्द्रमोदिनः जन्मदिवसः अपि अस्ति। अद्य प्रत्येकः कारीगरः शिल्पी च, यस्य समीपे विशिष्टं शिल्पकौशलम् अस्ति, सः पूजया सृष्टेः शिल्पिनः प्रभोः विश्वकर्मणः प्रति कृतज्ञतां प्रकटयति।

मुख्यमन्त्री प्रधानमन्त्रिणः मोदिनः सुदीर्घस्य स्वस्थजीवनस्य कामनां कुर्वन् उक्तवान्, ‘गुरुगोरखनाथस्य पावनधरणीतः भगवान् विश्वकर्मणः मन्दिरे सृष्टेः शिल्पिनः श्रीचरणयोः नमनं कुर्वन् यशस्विनः प्रधानमन्त्रिणः नरेन्द्रमोदिनः जन्मदिवसे प्रदेशवासिनां पक्षतः हृदयतः शुभकामनाः समर्पयामि। एषा प्रार्थना अस्ति यत् दीर्घकालं यावत् तस्य मार्गदर्शनं प्राप्येत तथा च तस्य विकसितभारतस्य परिकल्पना साकारा भवेत्।’

कार्यक्रमस्य समये मुख्यमन्त्रिणा ‘श्रीविश्वकर्मापूजनोत्सवपुस्तकम्’ इत्यस्य विमोचनमपि कृतम्।

मुख्यमन्त्रिणः स्वागतं श्रीविश्वकर्मापञ्चायतमन्दिरसमित्याः अध्यक्षः दयानन्दशर्मा अकरोत्। अस्मिन् अवसरे महापौरः डॉ. मङ्गलेशश्रीवास्तवः, विधानपरिषद्सदस्यः भाजपायाः प्रदेशोपाध्यक्षश्च डॉ. धर्मेन्द्रसिंहः, राज्य महिला आयोगस्य उपाध्यक्षा चारुचौधरी, प्रदेशमहामन्त्री अभिजातमिश्रः, क्षेत्रीयाध्यक्षः विनोदरायः, महानगराध्यक्षः रमेशप्रतापगुप्तः, स्थानीयपार्षदः छट्ठीलालगुप्तः, कालीबाडीनामठस्य महन्तः रविन्द्रदासः, श्रीविश्वकर्मापञ्चायतमन्दिरसमित्या सम्बद्धाः जयप्रकाशशर्मा, अनूपशर्मा, अजयविश्वकर्मा इत्यादयः बहवः जनाश्च सहभागिनः अभवन्।

Hindusthan Samachar / Dheeraj Maithani