नव टिहरी, 17 सितंबरमासः (हि.स.)।

राजकीयमहाविद्यालये खाडी-नगरे वृत्तिमार्गदर्शनकार्यक्रमस्य अन्तर्गतं भारतीयस्टेटबैंकस्य भुगतानसेवाविभागस्य औद्योगिकसंस्थायाः हिताची इत्यस्य च संयुक्ततत्त्वावधाने विद्यार्थिभ्यः नियुक्त्यवसरानां वृत्तिमार्गाणां च विषये कार्यशाला आयोजिता। अस्याः कार्यशालायाः उद्देश्यं रोजगारस्य विविधावसरानां, नियुक्तिप्रक्रियायाः, साक्षात्कारस्य सज्जतायाः, परिवर्तमानप्रौद्योगिक्याः अनुरूपम् आवश्यककौशलस्य च विषये विद्यार्थिनः परिचाययितुम् आसीत्।

गुरुवासरे खाडीमहाविद्यालये आयोजितायां कार्यशालायां एसबीआई भुगतानसेवायाः हिताचीसंस्थायाश्च अधिकारी प्रदीपप्रजापतिः विद्यार्थिभ्यः अङ्कीयभुगतानस्य परिवर्तमानप्रौद्योगिक्याश्च विषये सूचना प्रदत्तवान्। तेन कथितं यत् पूर्वं दैनिकजीवने वस्तूनां क्रयणाय मुख्यतया नगदभुगतानं क्रियते स्म, अधुना अङ्कीयभुगतानस्य प्रचलनेन भुगतानं अधिकं सुविधाजनकं शीघ्रं च जातम् अस्ति। अस्मिन् यूपिआई इत्यस्य भूमिका सर्वाधिकमहत्त्वपूर्णा अभवत्।

एसबीआई-अधिकारी योगेश्वरचौहानः बैंकिङ्गक्षेत्रे वृत्त्यवसराणां सम्भावनाभिः सह आईबीपीएस, एसबीआई, आरबीआई इत्यादीनां प्रतियोगिपरीक्षाणां विषये विद्यार्थिभ्यः सूचना प्रदत्तवान्।

प्रभारीप्राचार्यः डॉ. शन्नोवरः कार्यशालायाः प्रशंसां कुर्वन् उक्तवान् यत् महाविद्यालये एतादृश्यः नियुक्तिसम्बद्धाः गतिविधयः नियमितरूपेण आयोजनीयाः, येन विद्यार्थिभ्यः रोजगारस्य वृत्तेः च नूतनाः नूतनाः अवसराः प्राप्येरन्।

विद्यार्थिभिः नियुक्त्यर्थं साक्षात्काराः अपि दत्ताः। अस्मिन् अवसरे संयोजिका डॉ. सङ्गीताबिजल्वाणजोशी, डॉ. मीनाक्षी, डॉ. ईरासिंहः, डॉ. मीना, डॉ. ममता च उपस्थिताः आसन्।

Hindusthan Samachar / Dheeraj Maithani