Enter your Email Address to subscribe to our newsletters
हल्द्वानी , 17 सितंबरमासः (हि. स.)। भगवान् विश्वकर्मणः पूजायाः अवसरे गुरुवासरे नगरनिगमस्य हल्द्वानीकाठगोदामे पूजामर्चनं कृत्वा नगरवासिनां सुखसमृद्ध्यै स्वस्थजीवनाय च मङ्गलकामना कृता। ततः ‘स्वच्छतैव सेवा २०२६’ इत्यस्य अभियानस्य शुभारम्भः कृतः।
सप्तदश सितम्बरतः सप्तदश अक्टोबरपर्यन्तं प्रचलितस्य अस्य अभियानस्य उद्देश्यम् नगरे स्वच्छताविषये जागरूकतां वर्धयितुं सामान्यजनान् च स्वच्छताभियाने सम्बद्धान् कर्तुम् अस्ति। अस्मिन् काले विविधस्वच्छतागतिविधीनां माध्यमेन नगरवासिनां सहभागितां वर्धयितुं विशेषबलं प्रदास्यते।
महापौरः गजराजसिंहबिष्टः निगमपरिवारस्य उपस्थितजनानां च स्वच्छतायाः शपथं कारयित्वा उक्तवान् यत् स्वच्छहल्द्वानीनगरस्य निर्माणं केवलं नगरनिगमस्य दायित्वं न, अपितु प्रत्येकस्य नागरिकस्य सामूहिकं दायित्वम् अस्ति। तेन नगरवासिभ्यः स्वगृहं, आपणं, समीपवर्तिक्षेत्रं च स्वच्छं स्थापयितुं तथा अन्यान् जनान् अपि स्वच्छतायै प्रेरयितुं च आह्वानं कृतम्।
महापौरेण उक्तं यत् ‘एकजुटप्रयासः, प्रभाविकपरिवर्तनम्’ इति सङ्कल्पेन जनसहभागितया हल्द्वानीनगरं अधिकं स्वच्छं सुन्दरं च श्रेष्ठनगरं कर्तुं प्रयत्नः क्रियते।
कार्यक्रमे नगरायुक्तः परितोषवर्मा, नगरस्वास्थ्याधिकारी डॉ. चन्द्रशेखरतोलिया, गणेशभट्टः, मुख्यस्वच्छतनिरीक्षकः अमोलअसवालः, चतरसिंहः, पार्षदः सचिनतिवारी, मण्डलाध्यक्षः नीरजबिष्टः, मदनफर्त्यालः, राहत्मसीहः, सुनीलचौधरी इत्यादयः नगरनिगमस्य अधिकारिणः कर्मचारिणश्च भाजपाकार्यकर्तारश्च उपस्थिताः आसन्।
Hindusthan Samachar / Dheeraj Maithani