Enter your Email Address to subscribe to our newsletters
मुख्यमन्त्रिनिवासे भगवान् विश्वकर्मणः विधिविधानपूर्वकं पूजामर्चनम्
रायपुर, १७ सितम्बरमासः (हि. स.)। मुख्यमन्त्री विष्णुदेवसायः अद्य गुरुवासरे भगवान् विश्वकर्मणः जयन्त्याः अवसरे राजधानीरायपुरस्थिते मुख्यमन्त्रिनिवासे सृजनस्य, शिल्पस्य, निर्माणस्य च अधिष्ठातारं भगवान् विश्वकर्माणं विधिविधानपूर्वकं पूजितवान्।
मुख्यमन्त्रिणा भगवान् विश्वकर्मणः समीपे प्रदेशस्य सुखसमृद्धेः, खुशहालजीवनस्य, निरन्तरप्रगतेश्च कामना कृता। अस्मिन् अवसरे मुख्यमन्त्रिणः परामर्शदाता आर. कृष्णदासः, मुख्यमन्त्रिणः प्रेसाधिकारिणः आलोकसिंहः सहितं मुख्यमन्त्रिनिवासस्य अन्ये अधिकारिणः कर्मचारिणश्च उपस्थिताः आसन्।
मुख्यमन्त्री सायः भगवान् विश्वकर्माणं नत्वा प्रदेशवासिभ्यः, विशेषतः श्रमवीरेभ्यः, शिल्पकारेभ्यः, कारीगरेभ्यः, अभियन्तृभ्यः, प्रौद्योगिककर्मिभ्यः तथा उद्योगनिर्माणक्षेत्रयोः सम्बद्धेभ्यः सर्वेभ्यः जनेभ्यः विश्वकर्माजयन्त्याः हार्दिकान् शुभकामनाः प्रदत्तवान्।
मुख्यमन्त्री श्रीसायः उक्तवान् यत् भगवान् विश्वकर्मा सृजनशीलतायाः, कौशलस्य, कर्मनिष्ठायाः, उत्कृष्टतायाश्च प्रतीकः अस्ति। तस्य आराधना अस्मान् स्वज्ञानेन, कौशलेन, परिश्रमेण च समाजस्य राष्ट्रस्य च निर्माणे योगदानं दातुं प्रेरयति। विश्वकर्माजयन्ती केवलम् अस्माकम् आस्थया परम्परया च सम्बद्धः पर्व नास्ति, अपितु श्रमस्य प्रतिष्ठायै, कौशलस्य सम्मानाय, सृजनशक्तेः प्रति कृतज्ञताप्रकटनाय च अवसरः अस्ति।
मुख्यमन्त्री उक्तवान् यत् कस्यापि प्रदेशस्य राष्ट्रस्य वा प्रगतेः पृष्ठे तस्य श्रमवीराणां, कारीगराणां, शिल्पकाराणां, प्रौद्योगिककर्मिणां निर्माणकर्तॄणां च महत्त्वपूर्णं योगदानं भवति। कृषिक्षेत्रेभ्यः कारखानेभ्यः पर्यन्तं, लघुप्रतिष्ठानेभ्यः बृहदुद्योगेभ्यः पर्यन्तं तथा पारम्परिकशिल्पात् आधुनिकप्रौद्योगिक्याः पर्यन्तं, अस्माकं कुशलाः हस्ताः स्वपरिश्रमेण प्रतिभया च विकासस्य स्वरूपं निर्मान्ति।
तेन उक्तं यत् छत्तीसगढस्य परिचितिः सदैव परिश्रमशीलजनैः समृद्धया शिल्पपरम्परया च अभवत्। अस्माकं शिल्पकाराः कारीगराश्च पिढीभ्यः स्वकौशलेन प्रदेशस्य सांस्कृतिकपरम्परां संरक्षितवन्तः। अपरतः अद्यतनाः श्रमिकाः, अभियन्तारः, प्रौद्योगिकक्षेत्रसम्बद्धाः युवानश्च आधुनिकछत्तीसगढस्य निर्माणे महत्त्वपूर्णां भूमिकां निर्वहन्ति। पारम्परिककौशलस्य आधुनिकप्रौद्योगिक्याश्च एषः समन्वयः प्रदेशस्य विकासाय नूतनां दिशां दातुं समर्थः अस्ति।
मुख्यमन्त्री उक्तवान् यत् श्रमः केवलम् आजीविकायाः साधनं न, अपितु सृजनस्य राष्ट्रनिर्माणस्य च शक्तिः अस्ति। प्रत्येकस्य श्रमिकस्य परिश्रमस्य प्रत्येकस्य कारीगरस्य कौशलस्य च सम्मानः अस्माकं सामाजिकं दायित्वम् अस्ति। छत्तीसगढस्य श्रमिकाणां, कारीगराणां, निर्माणक्षेत्रसम्बद्धानां च लक्षशः हस्तानां परिश्रमेण प्रदेशस्य प्रगतिः निरन्तरं गतिं प्राप्नोति। तेषां श्रमकौशलं च समृद्धस्य विकसितस्य च छत्तीसगढस्य निर्माणस्य सुदृढा आधारशिला अस्ति।
मुख्यमन्त्री उक्तवान् यत् विश्वकर्माजयन्ती अस्मभ्यम् एतद् सन्देशमपि ददाति यत् वयं प्रत्येकं कार्यं पूर्णनिष्ठया, अनुशासनेन, समर्पणेन, उत्कृष्टतया च कुर्याम। परिवर्तमानकालानुसारं कौशलस्य निरन्तरं परिष्कारः नवीनप्रौद्योगिक्याः च स्वीकरणम् अद्यतनस्य आवश्यकता अस्ति। कौशलसम्पन्नस्य परिश्रमशीलस्य च मानवसंसाधनस्य बलेन एव वयम् आत्मनिर्भरस्य आधुनिकस्य विकसितस्य च छत्तीसगढस्य सङ्कल्पं साकारं कर्तुं शक्नुमः।
मुख्यमन्त्री श्रीसायः भगवान् विश्वकर्माणं प्रार्थितवान् यत् सः प्रदेशस्य सर्वेभ्यः श्रमवीरेभ्यः, कारीगरेभ्यः, शिल्पकारेभ्यः, प्रौद्योगिककर्मिभ्यः, अभियन्तृभ्यः उद्यमिभ्यश्च स्वस्वकार्येषु निरन्तरं सफलतां प्रददातु तथा तेषां कौशलेन परिश्रमेण च छत्तीसगढः प्रगतेः समृद्धेः सुखसमृद्धेश्च मार्गे निरन्तरम् अग्रे वर्धताम्।
Hindusthan Samachar / Dheeraj Maithani