Enter your Email Address to subscribe to our newsletters
लखनऊ, १८ सेप्टेम्बरमासः (हि.स.)। प्रदेशवासिभ्यः सुरक्षिताः स्वच्छाः गुणवत्तापूर्णाश्च खाद्यपदार्थाः उपलब्धाः भवन्तु इति उद्देशेन खाद्यसुरक्षाविभागेन ‘शुद्धं हि शुभम्’ इति विषयवस्तुना प्रदेशव्यापी विशेषाभियानम् आरब्धम्। खाद्यसुरक्षा-औषधिप्रशासनविभागस्य दलैः लखनऊनगरे, नोएडानगरे गोरखपुरे च २३३ प्रतिष्ठानानां निरीक्षणं कृतम्। निरीक्षणसमये प्राप्तानां न्यूनतानां विषये १६३ सुधारसूचनाः प्रदत्ताः। गम्भीरा-नियमिततायुक्तानां प्रतिष्ठानानां विरुद्धं तेषां अनुज्ञापत्राणि निलम्बयित्वा खाद्यप्रतिष्ठानानि पिधातुं कार्यवाही कृता।
लखनऊनगरे ७८ प्रतिष्ठानानां परीक्षणम्
लखनऊनगरे ५२ दलैः ७८ खाद्यकेन्द्राणां शीघ्राहारप्रतिष्ठानानां च निरीक्षणं कृतम्। अत्र ४२ सुधारसूचनाः प्रदत्ताः। विभागीयनिरीक्षणे अनेकस्थानेषु खाद्यपदार्थानां संरक्षणे, स्वच्छतायां, अपक्वानां पक्वानां च खाद्यपदार्थानां पृथक्-पृथक् भण्डारणे तथा खाद्यसुरक्षा-मानकानां पालने न्यूनताः दृष्टाः।
निरीक्षणसमये सबवे, शालीमार गेटवे, आलमबाग इत्येतादृशेषु स्थानेषु पर्याप्ता जलनिस्सारणव्यवस्था तथा स्वच्छता-स्वास्थ्यकरपरिस्थितयः सन्तोषजनकाः न दृष्टाः। परिसरे गोलीवडापावः, अस्वच्छ-परिस्थितयः तथा भित्तिषु खाद्यपदार्थेषु च कवकः प्राप्तः। अतः प्रतिष्ठानं पिधानयितुं संस्तुतिः कृता। अपरत्र बीकानेरवाला, फनमॉल इत्यत्र खाद्यपदार्थेषु कवकः, परिसरे दुर्गन्धः, रसे दूषणं तथा जलावरोधनम् इत्यादयः गम्भीराः न्यूनताः प्राप्ताः। तदनन्तरं प्रतिष्ठानं पिहितम्।
नोएडानगरे पाकशालानां दुर्दशा प्रकाशिता
नोएडानगरे ५७ दलैः ७१ प्रतिष्ठानानां परीक्षणं कृत्वा ४२ सुधारसूचनाः प्रदत्ताः। अनेकेषु प्रतिष्ठानेषु खाद्यसुरक्षासम्बद्धाः गम्भीराः न्यूनताः प्राप्ताः। विभागस्य अनुसारं केषुचित् पाकशालासु कवकः, मूषकानां उपस्थितिः, अस्वच्छता, कालातीतं मांसाहारखाद्यं तथा अस्वच्छ-परिस्थितयः दृष्टाः।
निरीक्षणे मोती महल डिलक्स, निहाऊ, पञ्जाबी ढाबा-६१, कैसल बारबेक्यू, रोड हाउस, पैडी हॉस्पिटैलिटी/रोलिंग फ्रेश, द येलो चिली, मिनिस्ट्री ऑफ दारू, टेस्ट ऑफ दिल्ली तथा जायका, ईट क्लब, एब्सोल्यूट बारबेक्यूज, कार्निवल फूड डिलाइट तथा येलो चिली रेस्टोरेंट इत्यादीनि १३ प्रतिष्ठानानि सम्मिलितानि सन्ति, येषां विरुद्धं अनुज्ञापत्रनिलम्बनस्य प्रक्रिया आरब्धा अस्ति। एतेषु प्रतिष्ठानेषु खाद्यपदार्थानां अनुचिततापमाने संरक्षणम्, अपक्वानां पक्वानां च खाद्यपदार्थानां सहैव स्थापनम्, अमेध्यपात्राणि, अस्वच्छ-पाकशालाः, कीटनियन्त्रणस्य अभावः, कालातीतसामग्री तथा खाद्यपदार्थानाम् अनुचितभण्डारणम् इत्यादयः न्यूनताः अभिलिखिताः।
गोरखपुरे ८४ प्रतिष्ठानानां परीक्षणम्
गोरखपुरे ४३ दलैः ८४ प्रतिष्ठानानां निरीक्षणं कृतम्। अत्र ७९ सुधारसूचनाः प्रदत्ताः। विभागेन स्पष्टं कृतं यत् निर्धारितमानकानां पालनं न कुर्वद्भ्यः प्रतिष्ठानेभ्यः सुधाराय समयः प्रदास्यते। निर्धारितावधौ न्यूनताः न दूरीकृताः चेत् अनुज्ञापत्रनिलम्बनं, निरस्तीकरणम् अन्याश्च विधिककार्यवाही क्रियते।
खाद्यसुरक्षाविभागेन सर्वेभ्यः खाद्य-व्यापारिभ्यः स्वच्छतायाः, सुरक्षित-भण्डारणस्य, वैध-अनुज्ञापत्रस्य, गुण-वत्तापूर्ण-अपक्ववस्तुन: तथा निर्धारित-तापमाने खाद्यपदार्थानां संरक्षणस्य निर्देशाः प्रदत्ताः। विभागेन निर्गते वक्तव्ये उक्तं यत् उपभोक्तॄणां स्वास्थ्येन सह क्रीडां कुर्वतां प्रतिष्ठानानां विरुद्धं कार्यवाही अग्रेऽपि निरन्तरं भविष्यति।
/ अंशु गुप्ता