Enter your Email Address to subscribe to our newsletters
भुवनेश्वरम्, 18 सितंबरमासः (हि.स.)।
ओडिशाराज्यस्य राज्यपालः डॉ. हरिबाबू कंभमपतिः मुख्यमन्त्री मोहनचरणमाझी च प्रसिद्धाय स्वतन्त्रतासेनानिने ‘गढ़जातगान्धी’ इति नाम्ना परिचिताय सारङ्गधरदासाय तस्य पुण्यतिथौ श्रद्धाञ्जलिं समर्पितवन्तौ।
राज्यपालः डॉ. हरिबाबू कंभमपतिः सामाजिकमाध्यमेन प्रेषिते स्वसन्देशे सारङ्गधरदासं सेवायाः समर्पणस्य त्यागस्य च अद्वितीयं प्रतीकम् इति वर्णितवान्। तेन उक्तं यत् समाजस्य राष्ट्रस्य च कृते सारङ्गधरदासस्य समर्पितं योगदानं तस्य च आदर्शजीवनं सर्वदा प्रेरणायाः स्रोतः भविष्यति।
मुख्यमन्त्री मोहनचरणमाझी अपि सारङ्गधरदासाय श्रद्धाञ्जलिं समर्पयन् तं विशिष्टं स्वतन्त्रतासेनानिनम् इति वर्णितवान्। तेन उक्तं यत् सामाजिकजागरूकतायाः जनसेवायाश्च क्षेत्रे सारङ्गधरदासस्य अमूल्यं योगदानं सर्वदा स्मरणीयं भविष्यति।
राज्यपालस्य मुख्यमन्त्रिणश्च सन्देशेषु सारङ्गधरदासस्य सेवा त्यागः सामाजिकजागरूकता जनसेवा च प्रति समर्पणं स्मृत्वा तस्य योगदानस्य प्रति सम्मानः प्रकटितः।
---------------
Hindusthan Samachar / Dheeraj Maithani