नवदिल्ली, १८ सेप्टेम्बरमासः (हि.स.)। भारतं शुक्रवासरे अवदत् यत् बाङ्ग्लादेशस्य नूतनसर्वकारेण पूर्वस्याम् आवामीलिग्-सर्वकारस्य शासनकाले भारतेन सह कृतानां १०१-सन्धिनां समीक्षा क्रियते इति सम्बन्धिनीनां माध्यमवार्तानां सूचना तस्य अस्ति, किन्तु अस्मिन् विषये ढाकातः भारतं प्रति आधिकारिकरूपेण किमपि न सूचितम् अस्ति।

विदेशमन्त्रालयस्य प्रवक्ता रणधीर-जायसवालः द्विसाप्ताहिक-माध्यम-वार्तायाम् एकस्य प्रश्नस्य उत्तरं ददन् अवदत्, “वयमपि अस्मिन् विषये सम्बन्धिताः केचन माध्यमवृत्तान्ताः दृष्टवन्तः, किन्तु आधिकारिकरूपेण अस्मभ्यं किमपि न सूचितम् अस्ति।”

सः अवदत्, “स्पष्टतया भारतेन स्वहितानां रक्षणाय सर्वाणि आवश्यकानि पदक्षेपाणि स्वीकरिष्यति।”

Hindusthan Samachar / Divya Ranjan