धर्मशाला, 18 सितंबरमासः (हि.स.)।

राजकीयश्रेष्ठवरिष्ठमाध्यमिकविद्यालये शाहपुरे आयोजितायां द्विदिवसीयायां त्रयस्त्रिंशत्तमे उपमण्डलस्तरीयायां बालविज्ञानकाङ्ग्रेसस्य शुक्रवासरे शुभारम्भः शाहपुरस्य विधायकः उपमुख्यसचेतकश्च केवलसिंहपठानियेन कृतः। कार्यक्रमस्य समये तेन बालवैज्ञानिकैः निर्मितानां विविधानां विज्ञानप्रतिमानानाम् अवलोकनं कृतम् तथा विद्यार्थिभिः सह संवादं कृत्वा तेषां प्रयोगाणां प्रतिमानानां च विषये सूचना प्राप्ता। प्रतियोगितायां शाहपुरोपमण्डलस्य ५२ मध्यस्तरीयेषु, दशमीकक्षायाः द्वादशकक्षायाश्च स्तरीयेषु विद्यालयेषु अध्ययनरताः विद्यार्थी सहभागितां कुर्वन्ति।

केवलसिंहपठानिया उक्तवान् यत् विज्ञानं केवलं प्रयोगशालासु पुस्तकेषु च सीमितं नास्ति, अपितु अस्माकं गृहेषु विद्यालयेषु क्षेत्रेषु वनेषु नदीषु सम्पूर्णे प्राकृतिकपर्यावरणे च विद्यमानम् अस्ति।

तेन उक्तं यत् हिमाचलप्रदेशः प्राकृतिकदृष्ट्या समृद्धः प्रदेशः अस्ति। अत्र जैवविविधता, जलसंरक्षणम्, जलवायुपरिवर्तनम्, अपशिष्टप्रबन्धनम्, सततविकासः इत्यादिषु अनेकविषयेषु अध्ययनस्य अनुसन्धानस्य च व्यापकाः अवसराः सन्ति।

तेन उक्तं यत् बालकेषु वैज्ञानिकदृष्टिकोणस्य विकासे शिक्षकाणां भूमिका अत्यन्तं महत्त्वपूर्णा अस्ति। शिक्षकाः केवलं ज्ञानप्रदातारः न, अपितु बालकेभ्यः दिशानिर्देशं प्रदातारः मार्गदर्शकाः प्रेरणास्रोतांसि च सन्ति।

तेन विद्यार्थिनः आहूताः यत् अद्यतनः विद्यार्थी एव श्वः वैज्ञानिकः अभियन्ता शिक्षकः चिकित्सकः अनुसन्धानकर्ता राष्ट्रनिर्माता च भविष्यति। तेन उक्तं यत् विद्यार्थिनः लघुतमा अन्वेषणमपि समाजे महत् परिवर्तनं कर्तुं शक्नोति।

तेन अध्यापकेभ्यः आग्रहः कृतः यत् ते विद्यार्थिभ्यः नवम्याः दशम्याश्च कक्षायाः समयादेव व्यवसायसम्बद्धं मार्गदर्शनं प्रदद्युः, येन ते अग्रिमाध्ययनाय विषयानां चयनं सुकरतया कर्तुं शक्नुयुः स्वलक्ष्यस्य दिशि च अधिकसमीचीनतया अग्रे गन्तुं शक्नुयुः। तेन बालविज्ञानकाङ्ग्रेसस्य सहभागिभ्यः सर्वेभ्यः विद्यार्थिभ्यः शुभकामनाः प्रदत्ताः।

बालकैः सांस्कृतिककार्यक्रमः प्रस्तुतः

अस्मिन् अवसरे विद्यालयीयविद्यार्थिभिः मनोहरः सांस्कृतिककार्यक्रमः प्रस्तुतः, येन उपस्थितैः जनैः करतलध्वनिभिः उत्साहपूर्वकं स्वागतं कृतम्। कार्यक्रमे शाहपुरस्य उपमण्डलाधिकारी गणेशठाकुरः, एटीसीप्रभारी वैज्ञानिकाधिकारी च डॉ. सुनन्दापाठानिया, प्रवक्तारः अध्यापकवर्गश्च, बालानां अभिभावकाः, विद्यालयीयविद्यार्थिनः अन्ये च गणमान्यनागरिकाः उपस्थिताः आसन्।

Hindusthan Samachar / Dheeraj Maithani