Enter your Email Address to subscribe to our newsletters
नवदिल्ली, १८ सेप्टेम्बरमासः (हि.स.)। प्रधानमन्त्री नरेन्द्रमोदी शनिवासरे विज्ञानभवने ‘पर्यावरणस्य जलवायुगति-शीलतायाश्च भविष्यत्’ इति विषये आयोजितस्य अन्ताराष्ट्रिय-सम्मेलनस्य उद्घाटनं करिष्यति। द्विदिवसीयमिदं सम्मेलनं सेप्टेम्बरमासस्य १९ तथा २० दिनाङ्कयोः राष्ट्रियहरिता-धिकरणस्य पक्षतः आयोज्यते।
प्रधानमन्त्रिकार्यालयस्य अनुसारं सम्मेलने पर्यावरणेन जलवायुना च सम्बद्धानां महत्त्वपूर्णानां समस्यानां विषये विचारविमर्शः भविष्यति। पर्यावरणीय-शासनव्यवस्थां सुदृढां कर्तुम् उपायानां विषये अपि चर्चा भविष्यति। अस्मिन् सम्मेलने भारतस्य सर्वोच्चन्यायालयस्य विभिन्नानां उच्च-न्यायालयानां च न्याया-धीशाः, जनपद-न्यायालयानां न्यायाधीशाः, विभिन्न-मन्त्रालयानां सचिवाः वरिष्ठाधि-कारिणः च, पर्यावरणविशेषज्ञाः अन्य-सम्बद्धपक्षाः च भागं ग्रहीष्यन्ति।
सम्मेलने सप्तदशदेशानां प्रतिष्ठित-न्यायाधीशाः न्यायिकप्रतिनिधयश्च अपि भागं ग्रहीष्यन्ति। तदतिरिक्तं राज्य-न्यायिकप्रशिक्षणसंस्थानां, राज्य-विधिक-सेवाप्राधिकरणानां, राज्यविशेषज्ञ-मूल्याङ्कनसमितीनां, राज्यपर्यावरण-प्रभावमूल्याङ्कनप्राधिकरणानां तथा राज्यार्द्रभूमिप्राधिकरणानां प्रतिनिधयः अपि सम्मिलिताः भविष्यन्ति।
सम्मेलने विभिन्नदेशानां संस्थानां च मध्ये न्यायिकदृष्टिकोणानां, वैज्ञानिकज्ञानस्य, पर्यावरणीयशासनस्य प्रक्रियाणां तथा संस्थागतानुभवानां आदानप्रदानं भविष्यति। तद्वत् नीतिनिर्माणे, तस्य कार्यान्वयने प्रवर्तने च विद्यमानानां न्यूनतानां तथा पर्यावरण-जलवायु-सम्बद्धानां समस्यानां विषये चर्चा भविष्यति।
सम्मेलनस्य उद्देश्यं पर्यावरणीयशासन-व्यवस्थाम् अधिकप्रभावशालिनीं कर्तुं तथा विभिन्नसंस्थानां मध्ये सहयोगं सुदृढं कर्तुं उपायानां अन्वेषणमपि अस्ति।
Hindusthan Samachar / Divya Ranjan